Kosmosqa taǵy bir qazaq ǵaryshkerin jiberýdiń sharttary pysyqtalyp jatyr
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi Kazinform saýalyna joldaǵan jaýabynda qazaqtandyq ǵaryshkerdi ashyq kosmosqa jiberý baǵytyndaǵy daıyndyq jumystary týraly málimet usyndy.
«Qazirgi tańda Qazaqstannyń ǵylymı zertteýler men eksperımentteriniń altynshy baǵdarlama jobasy talqylaý jáne pysyqtaý satysynda tur. Bul baǵdarlamanyń árbir jobasy ózektilik, jańashyldyq, iske asyrý múmkindigi (halyqaralyq ǵarysh stansalarynda qajetti qondyrǵylar bar-joǵy jóninde) turǵysynan zertteledi», - delingen jaýapta.
Vedomstvo mamandary ǵaryshker daıyndaý jobasy jóninde egjeı-tegjeı aqparat bere almaıtynyn atap ótken.
«Jobalardyń sany men mazmuny týraly aıtý ázirge erte dep esepteımiz. Búgingi tańda ǵarysh vedomstvolaryna, onyń ishinde «Roskosmos» memlekettik korporatsııalaryna saýal joldadyq. Sońǵysy ǵaryshkerdi attandyrýdyń negizgi sharttaryn atady. Ol sharttardy qarap jatyrmyz. Biraq ǵaryshkerdi ǵaryshqa jiberý jóninde naqty sheshim áli qabyldanǵan joq», - dep jazylǵan resmı málimette.
