«Kosmos-903» keńestik jer serigi 37 jyl ótken soń Reseı orbıtasynan joıyldy

ASTANA. QazAqparat - 1977 jyldyń sáýirinde plesetsk ǵarysh aılaǵynan ushyrylǵan keńestik «Kosmos-903» jer serigi 2014 jyldyń 4 tamyzynda Jer atmosferasynda janyp ketti, dep habarlady Reseı Qorǵanys mınıstrligi.

Osyǵan deıin jer serigi Jerge Bengal shyǵanaǵynyń mańynda qulaıdy dep boljanǵan bolatyn, alaıda olaı bolǵan joq. Onyń orbıtadan shyǵýy 4 tamyz, RF-nyń soltústik-shyǵys aımaǵynda boldy, dep atap ótti RF Qorǵanys mınıstrliginiń ókili.

Ǵaryshtyq jaǵdaıdy baqylaý bas ortalyǵy mamandarynyń pikirinshe, jer seriginiń fragmentteri atmosferanyń tyǵyz qabattarynan ótý kezinde janyp ketti.

Bir qyzyǵy, «Oko» júıesiniń zymyrandyq shabýyly jaıly erterek eskertýga arnalǵan «Kosmos-903» ǵarysh apparatynyń belsendi qyzmet kórsetý merzimi 1978 jyldyń shildesinde aıaqtaldy.