Kosmetıkalyq qyzmetter men plastıkalyq hırýrgııaǵa shaǵymdanatyndar kóbeıdi - Romanovskaıa
ASTANA. QazAqparat - Búgin Úkimet otyrysynda «Tutynýshylar ulttyq lıgasy» uıymynyń basqarma tóraıymy Svetlana Romanovskaıa balalarǵa zııan keltirip jatqan taýarlar jaıynda aıtty, dep habarlaıdy QazAqparat.
«Balalar oıynshyǵy máselesine toqtalatyn bolsaq, bul baǵyt aıtarlyqtaı qadaǵalanyp otyrǵan joq. Jalpy, balalar taýarlaryn baqylaýǵa erekshe mán bergen jón. Búginde kóp jetkinshekter aıaq kıim durys bolmaǵandyqtan, sonyń zardabyn tartýda. Sonymen qatar allergııalyq belgiler kóptep kezdese bastady»,-dep toqtaldy Romanovskaıa.
Onyń sózine qaraǵanda, jastar arasynda asqazan jarasy derti keńinen taralýda.
«Osynyń barlyǵy taǵam men taýarlarǵa qatysty ekeni belgili. Atap aıtqanda, kosmetıkalyq qyzmetterge, plastıkalyq hırýrgııaǵa shaǵymdanatyndar kóbeıip keledi. Bul baǵyttaǵy oqıǵalarǵa baǵa beretin sarapshylar pýly joq. Osy salaǵa qyrýar aqsha jumsalady, alaıda ony eshkim qadaǵalamaıdy»,-dedi Svetlana Romanovskaıa.
