Kosmetıka men turmystyq hımııa tsıfrlyq baqylaýǵa kóshedi
ASTANA. KAZINFORM — Ónerkásip jáne qurylys mınıstrligi Taýarlardy tańbalaý jáne qadaǵalaý jónindegi biryńǵaı operatormen birlesip júzege asyrylǵan turmystyq hımııa jáne kosmetıkalyq ónimderdi tańbalaý jáne qadaǵalaý boıynsha qanatqaqty jobany aıaqtady.
Atalǵan pılottyq jobaǵa taýar ótkizý tizbeginiń ártúrli býyndaryn qamtıtyn 20 uıym qatysty. Olardyń qatarynda 7 otandyq óndirýshi, sondaı-aq ımporttaýshylar men kóterme jáne bólshek saýda ókilderi bar. Joba aıasynda sáıkestendirý quraldaryn qoldanýdyń túrli tásilderin synaqtan ótkizý jáne olardyń qoldanystaǵy óndiris pen taýaraınalymy jaǵdaıyndaǵy tıimdiligin baǵalaýǵa múmkindik beretin tehnologııalyq 12 eksperıment júrgizildi.
Synaqtar Syrtqy ekonomıkalyq qyzmettiń taýar nomenklatýrasy (SEQ TN) kodtary boıynsha jeti taýar tobyn qamtydy. Olardyń qatarynda sabyn, jýý jáne tazalaý quraldary, sándik kosmetıka, shash pen aýyz qýysyna kútim jasaýǵa arnalǵan ónimder bar. Qatysýshylar tańbalaý júıesiniń tolyq jumys tsıklin — tańbalaý kodtaryn shyǵarý jáne ónimdi toptastyrýdan bastap, ony baqylaý-kassalyq mashınalar arqyly aınalymnan shyǵarýǵa deıin tekserdi.
Praktıkalyq synaqtar otandyq kásiporyndar men iri ımporttaýshylardyń óndiristik jáne qoıma alańdarynda júrgizildi. Jobaǵa «MedıDez ǴÓB» JShS, «Avrora» ÓKJShS, «ProfHım» JShS, «Vıta Vent» JShS, «Prokter end Gembl Qazaqstan Dıstrıbıýshn» JShS, «Amway Central Asia» JShS jáne basqa da kompanııalar qatysty. Bul naqty óndiristik úderister jaǵdaıynda sáıkestendirý quraldaryn qoldanýdyń ártúrli tásilderiniń, onyń ishinde japsyrma japsyrý jáne tikeleı basyp shyǵarý ádisteriniń tıimdiligin baǵalaýǵa múmkindik berdi.
«MedıDez» ǴÓB» JShS ókili atap ótkendeı, pılottyq jobaǵa qatysý tańbalaý júıesi jumysyn qoldanystaǵy óndiris jaǵdaıynda synaqtan ótkizip, onyń is júzindegi tehnologııalyq úderisterge yqpalyn baǵalaýǵa múmkindik berdi.
— Óndirýshiler úshin jańa tsıfrlyq sheshimderdiń salanyń erekshelikteri men naqty óndiristik úderister eskerile otyryp engizilýi asa mańyzdy. Sondyqtan pılottyq formattyń praktıkalyq mańyzy zor. Ol ártúrli tehnologııalyq sheshimderdi synaqtan ótkizýge, sáıkestendirý quraldaryn qoldanýdyń eń tıimdi tásilderin anyqtaýǵa jáne retteýshi sheshimder qabyldanǵanǵa deıin yqtımal máselelerdi aldyn ala pysyqtaýǵa múmkindik beredi. Mundaı tásil memlekettiń mindetterin de, bıznes múddelerin de teń dárejede eskeretin teńgerimdi tetikterdi qalyptastyrýǵa yqpal etedi, — dep atap ótti pılottyq joba barysynda «„MedıDez“ ǴÓB» JShS óndiristik tsehynyń sheberi Ámir Ótenov.
Qanatqaqty joba nátıjeleri taýarlardy tsıfrlyq tańbalaý salasynda odan árisheshimder ázirleý kezinde paıdalanylady.
Joba barysynda alynǵan derekter salanyń tehnıkalyq daıyndyǵyn baǵalaýǵa, tsıfrlyq sheshimderdi qoldanystaǵy bıznes-úderisterge engizýdiń erekshelikterin aıqyndaýǵa jáne turmystyq hımııa men kosmetıkalyq ónimder naryǵynyń erekshelikterin eskere otyryp, normatıvtik retteýdi jetildirý jóninde usynystar qalyptastyrýǵa múmkindik berdi.
Aıta ketelik Qazaqstanda turmystyq hımııa men kosmetıka tańbalanýy múmkin ekenin jazǵan edik.
