Qosylǵan qun salyǵynan bosatylǵan ımporttyq shıkizat jáne materıaldar tizimi keńeıtildi
ASTANA. KAZINFORM — Jańartylǵan tizimge 145 shıkizat pen materıal túri kiredi.

«Investıtsııalyq kelisimshart sheńberinde ımporty qosylǵan qun salyǵynan bosatylǵan shıkizat jáne materıaldar tizbesin bekitý týraly» Qazaqstan Respýblıkasy Investıtsııalar jáne damý mınıstriniń 2018 jylǵy 27 aqpandaǵy № 140 buıryǵyna tolyqtyrýlar engizildi.
Tizimge qosymsha engizildi:
— marganets kenderi men kontsentrattary, onyń ishinde bezdi marganets kenderi jáne qurǵaq ónimge eseptegende massasynyń 20% nemese odan da kóp marganets bar kontsentrattar;
— beımetaldardyń ottegimen, beıorganıkalyq ózge de qosylystary;
— basqa da sýlfıdter;
— basqa da hromattar men dıhromattar; peroksohromattar;
— mochevınamen emdelgen nemese emdelmegen sýtegi asqyn totyǵy;
— qymyzdyq qyshqyly, onyń tuzy men efırleri;
— tıýram mono, dı jáne tetrasýlfıdter;
— dıametri 14 mıllımetrden aspaıtyn dóńgelek qımasy temirden nemese legırlenbegen bolattan jasalǵan oralǵan shyǵanaqtarda ıilgen shybyqtar;
— óńdelmegen marganets, untaqtar.
Atalǵan buıryq bıyl 3 naýryzda kúshine enedi.
Aıta keteıik, keshe Májilistiń qaraýyna Salyq kodeksiniń túzetilgen jobasy engizildi.