Qosylǵan qun salyǵy ósse, poıyz jáne ushaq bıletteri qymbattaı ma

ASTANA. KAZINFORM — Qazir elimizde qosylǵan qun salyǵy shegin kóterý máselesi keńinen talqylanyp jatyr. Jurtty alańdatatyny baǵa qalaı bolmaq?

60 мың жолаушы жаңа жылды пойызда қарсы алады
Фото: «Жолаушылар тасымалы» АҚ баспасөз қызметі

Osy oraıda Kólik vıtse-mınıstri Talǵat Lastaevtan áýe jáne poıyz bıletteriniń qunyna qatysty oıyn bilgen edik.

— Temirjol bıletteri qymbattamaıdy, sebebi jolaýshylardyń bıletin sýbsıdııa arqyly retteımiz. Sol sebepti poıyz bıletteriniń baǵasy baqylaýda. Áýe bıletterine kelsek, ol da qymbattamaıdy, sebebi dınamıkalyq tarıf qoldanylady, ıaǵnı bıletti erterek alsańyz arzan, al reıs jaqyndaǵanda alsańyz sáıkesinshe qymbatqa túsedi. Sol sebepten qosylǵan qun salyǵynyń ósýi qatty áser etpeıdi, — dep jaýap berdi Talǵat Lastaev Úkimet otyrysynan keıin ótken baspasóz máslıhatynda.

Vıtse-mınıstrdiń aıtýynsha, ushaqty satyp alǵanda qosylǵan qun salyǵy esepke alynady. 

— Áýe kompanııalary ushaqty satyp alǵanda qosylǵan qun salyǵyn jabady, ol tarıftiń baǵasyna kóp áser etpeıdi, — dep sendirdi Kólik mınıstriniń orynbasary.

Sondaı-aq Talǵat Lastaev atalǵan máseleniń talqylanyp jatqanyn tilge tıek etti. 

Buǵan deıin Kólik vıtse-mınıstrinen Prezıdenttiń avıakerosın baǵasyn turaqtandyrýǵa qatysty tapsyrmasynyń qalaı oryndalyp jatqany týraly suraǵan edik. 

Aıta ketsek, elimizde júk tasıtyn áýe kompanııasy ashylýy múmkin.

Сейчас читают