Qosylǵan qun salyǵy qaıta qaralyp jatyr – Tamara Dúısenova
ASTANA. KAZINFORM – Osydan bir apta buryn belgili bolǵandaı elimizde qosylǵan qun salyǵy óspeıdi. Qazir arnaıy jumys toby ony qaıta qarap jatyr. Bul týraly Premer-Mınıstr orynbasary Tamara Dúısenova málim etti.
«Jýyrda Úkimet basshysy Ulttyq ekonomıka mınıstrligine qosylǵan qun salyǵyn ósirýdi toqtatyp, qaıta qaraýdy tapsyrdy. Qazir jumys toby bul suraqty qaıta qarap jatyr, sizderge aqparat beriledi», - dedi Tamara Dúısenova Senat qabyrǵasynda BAQ ókilderiniń saýalyna jaýap bere turyp.
Tilshiniń qosylǵan qun salyǵynda qandaı ózgerister bolýy múmkin degen naqtylaý suraǵyna: «Jumys tobynyń músheleri ózderi jarııalaıdy» dedi.
Eske sala ketsek, 13 aqpanda ótken Úkimet otyrysynda Premer-Mınıstr Oljas Bektenov qosylǵan qun salyǵynyń óspeıtinin aıtqan edi.
«Qosylǵan qun salyǵynyń stavkasy kóterilmeıdi. Ulttyq ekonomıka mınıstrligi men Qarjy mınıstrligi respýblıkalyq bıýdjettiń shyǵys jáne kiris bóligin sapaly josparlaýdy qamtamasyz etýi kerek», - degen edi Úkimet basshysy.
