Kóshpendilerge arnalǵan jańa Neo Nomad vızasynyń ıegeri kim

ALMATY. KAZINFORM – Qazir onyń jalǵyz ıesi – energetıka jáne qarjy salasynda tájirıbesi bar Ulybrıtanııa azamaty Sertach Iener.

— Vıza qashyqtan jumys isteıtin týrısterge, ıaǵnı baǵdarlamalaý, marketıng, qarjy, konsaltıng, dızaın jáne elektrondy kommertsııa sııaqty túrli salalarda qyzmet etetin sheteldik azamattarǵa arnalǵan. Alǵashqy jáne ázirge jalǵyz vıza ıesi – Ulybrıtanııa azamaty Sertach Iener, – dep jaýap berdi «Kazakh Tourism» UK» AQ baspasóz qyzmeti bizdiń saýalymyzǵa.

Kompanııadan atap ótkendeı, vıza ıeleriniń bir jylǵa deıin Qazaqstanda turýǵa múmkindigi bar. Osy ýaqyt ishinde olar sheteldik kompanııalarda jumys isteı alady. Bul sheteldik týrısterge Qazaqstan mádenıeti men turmysyn jaqynyraq tanýǵa múmkindik beredi.

Qazir álemniń 50-den astam eli tsıfrlyq kóshpendilerge vıza engizdi, olardyń árqaısysynyń ózindik erekshelikteri bar.

— Neo Nomad vızasyn alý úshin sheteldik azamat Qazaqstannan tys jerde turaqty kirisiniń bar ekenin dáleldeýi kerek, onyń mólsheri aıyna keminde 3 000 AQSh dollaryn quraýy qajet. Sonymen qatar, negizgi kiris talaptarynan basqa, sheteldik ótinish berýshige medıtsınalyq saqtandyrý jáne sottylyǵynyń joqtyǵy týraly anyqtama talap etiledi. Negizi ótinish berýshiniń otbasy músheleri de vıza ala alady, — dep qosty kompanııadan.

Eske salaıyq, elde Memleket basshysy Qasym-Jomart Toqaevtyń tapsyrmasy boıynsha Neo Nomad dep atalatyn jańa vıza túri engizilgen bolatyn.