Kóshpendiler oıyny: Mangala qandaı oıyn, Qazaqstannan el namysyn kimder qorǵaıdy

ASTANA. KAZINFORM – 5-shi Dúnıejúzilik kóshpendiler oıyndarynyń baǵdarlamasyna engen sport túriniń biri - túrik halqynyń zııatkerlik oı̆yny Mangala.

Mangalany eki adam oı̆naı̆dy. Oı̆yn taqtasynda eki qatarda ornalasqan alty birdeı̆ shuńqyr bolady, olar birge 12 kishkentaı̆ shuńqyrdy quraı̆dy. Sonymen qatar, oı̆ynshylardyń tastardy jınaı̆tyn úlken jınaqtaýshy saqtaý shuńqyry bolady. «Mangala» oı̆yny 48 taspen oı̆nalady.

Oı̆yn jerebe tastaýdan bastalady. Oı̆ynshylar barlyq 48 tasty, tórt-tórtten 12 shuńqyrdyń árqaı̆sysyna taratyp, jınaqtaý shuńqyryn bos qaldyrady. Taqtanyń óz jaǵyndaǵy alty kishkentaı̆ shuńqyr oı̆ynshynyń alańy, al qarama-qarsy alty shuńqyr sáı̆kesinshe qarsylastyń alańy. Oı̆ynshylar óz qoı̆masynda múmkindiginshe kóp tas jınaýǵa tyrysady. Kim kóp tas jınasa, sol oı̆ynshy jeńiske jetedi.

Komanda quramy 2 er, 2 áı̆el, 1 bapkerden turady.

Jarystar shveı̆tsarııalyq júı̆e boı̆ynsha jeke jáne komandalyq esep boıynsha ótkiziledi. Kezeńder sany – 7. Qorytyndylar erler men áı̆elder arasynda bólek jıyntyqtalady. Ár oı̆ynshyǵa bir oı̆ynǵa 20 mınýt ýaqyt beriledi.

Jarystar dúnıejúzilik «Toǵyzqumalaq» federatsııasy «Mangala» halyqaralyq federatsııasymen birlesip ótkiziledi.

5-shi Dúnıejúzilik kóshpendiler oıyndarynda mangaladan el namysyn erler arasynda Azamat Qaıdarov, Bıǵalı Zkrııaev qorǵasa, áıelder arasynda Qundyz Esirkep pen Aıkerim Qýanyshbekova qorǵaıdy.