Kóshpendiler oıyny: Qazaqstan jalpykomandalyq esepte birinshi oryn aldy
ASTANA. KAZINFORM – Búgin 5-shi Dúnıejúzilik kóshpendiler oıyndary óz máresine jetti. Nátıjesinde Qazaqstan quramasy 44 altyn, 33 kúmis, 37 qola medalmen jalpykomandalyq esepte birinshi oryndy jeńip aldy.
Naqtyraq aıtsaq, 5-shi Dúnıejúzilik kóshpendiler oıyndarynyń sońǵy jarys kúni otandastarymyz el qorjynyna 12 altyn, 9 kúmis, 10 qola júlde syılady. Osylaısha jalpy esepte Qazaqstan 44 altyn, 33 kúmis, 37 (114) qola júldemen komandalyq esepte top jardy.
Al Qyrǵyzstan quramasy 18 altyn, 21 kúmis, 25 (64) qola medal jeńip alyp, jalpy esepte ekinshi orynǵa ıe boldy.
Al úzdik úshinshi oryndy Ózbekstan quramasy qanjyǵasyna baılady. Olardyń enshisinde 11 altyn, 12 kúmis, 11 (34) qola medal bar.
Tórtinshi orynǵa 11 altyn, 10 kúmis, 25 qola medal jeńip alǵan Reseı quramasy ıelik etse, bestikti 2 altyn, 2 kúmis, 2 qola medalmen Túrkııa quramasy túıindedi.
8 qyrkúıek kúni alaýy tutanǵan dodaǵa 89 elden 2 430-ǵa jýyq sportshy qatysyp, 21 sport túrinen 97 medal jıyntyǵyn sarapqa saldy.
89 eldiń 33-i 5-shi Dúnıejúzilik kóshpendiler oıyndarynyń medaline qol jetkizdi. Onyń ishinde 18 memleket altyn júlde jeńip alsa, 16 memlekettiń qorjynynda kúmis, 28 memlekettiń qorjyny qola medal bar.
21 sport túri qamtylǵan saıystar alty kún boıy 6 túrli nysanda ótti. Naqtyraq aıtsaq, «Qazanat» ıppodromy, «Arǵymak» sport alańy, etnoaýyl, J. Úshkempirov atyndaǵy jekpe-jek saraıy, «Alaý» muz saraıylarynda sportshylarymyz ózara myqtyny anyqtady.
V Dúnıejúzilik kóshpendiler oıyndaryn uıymdastyrý dırektsııasy ádepkide, etnosporttyń 21 túri boıynsha 97 medal jıyntyǵy sarapqa salynady dep jarııalaǵan bolatyn. Sheteldik quramalardyń ótinishi boıynsha jarys barysynda dástúrli sadaq atýdan qosymsha «put», «qalqan» jáne «jamby» nysanalary boıynsha qyzdar saıysy qosylyp, medal jıyntyǵy 100-ge jetti. Qazaqstan sportshylary 112 medalmen kósh bastady. Onyń 43-i altyn, 32-i kúmis jáne 37-si qola júlde.
«Memleket basshysy Qasym-Jomart Toqaevtyń tikeleı bastamasymen qazaq topyraǵynda uıymdastyrylǵan Dúnıejúzilik kóshpendiler oıyndary – máni tereń, mazmuny baı biregeı joba. Onyń túrki áleminiń altyn besigi – Qazaq jerinde jalaýyn jelbiretkeni – biz úshin zor mártebe ári shyn maqtanysh. Oıyndarda 30-dan astam eldiń sportshylary medal ıelendi. Júlde alǵan memleketter qatarynda muhıttyń arǵy jaǵynan kelgen Kanada men Meksıka sportshylary da bar. Dúbirli dodaǵa 90-ǵa jýyq memlekettiń qatysýy, 30-dan astam eldiń júldegerler qatarynan kórinýi – dúnıejúzinde kóshpendiler oıyndaryna degen qyzyǵýshylyqtyń artyp kele jatqanyn ańǵartady. Kelesi, 6-shy Dúnıejúzilik kóshpendiler oıyndaryn baýyrlas memleket – Qyrǵyz Respýblıkasy qabyldaıdy. Qyrǵyz eliniń aldaǵy básekeni joǵary deńgeıde ótkizýine tilektespin. Kóshpendiler Olımpıadasynyń bedeli bıikteı bersin!», – dedi Erbol Myrzabosynov.
Etnoaýylda ótken jabylý rásimine sportshylar da qatysty. Olardy 1000-ǵa jýyq volonter men etnoaýyl qonaqtary qoshemetpen qarsy aldy. Jıynda Dúnıejúzilik etnosport konfederatsııasynyń prezıdenti Nejmeddın Bilál Erdoǵan, Qazaqstannyń Týrızm jáne sport mınıstri Erbol Myrzabosynov, Qyrǵyzstan Respýblıkasynyń Mádenıet, aqparat, sport jáne jastar saıasaty mınıstri Altynbek Maqsutov, 5-shi Dúnıejúzilik kóshpendiler oıyndaryn daıyndaý jáne ótkizý dırektsııasynyń jetekshisi Naıl Nurov sóz sóıledi.
Endi 6-shy Dúnıejúzilik kóshpendiler oıyndary Qyrǵyzstanda ótedi. Bul týraly Nejmeddın Bilál Erdoǵan saltanatty jıyn barysynda habarlady. Ol kóshpendiler oıyndary Qyrǵyzstanǵa oralatynyn aıtyp, Altynbek Maqsutovqa DKO sımvoly – torsyqty tabystady.
Jarys ótkiziletin barlyq nysanda, onyń ishinde: «Qazanat» ıppodromy, J. Úshkempirov atyndaǵy jekpe-jek saraıynda, «Alaý» muz aıdynynda baspasóz ókilderiniń tyńǵylyqty jumys isteýine qolaıly jaǵdaı jasaldy. «Qazmedıa» ortalyǵynda barlyq BAQ ókilderine arnalǵan halyqaralyq baspasóz ortalyǵy jumys istedi.
Etnoaýylda jýrnalıster úshin arnaıy kıiz úı tigildi. Akkredıtatsııa berý merzimi 20 tamyzda aıaqtalǵanyna qaramastan, jýrnalısterdi tirkeý kóshpendiler oıyndarynyń sońyna deıin jalǵasty.
Aldyn ala ótkizilgen press-týr barysynda BAQ ókilderi úshin arnaıy jasalǵan jumys oryndary men jumys isteý erejeleri tanystyryldy.
Qyrkúıektiń 9-11 kúnderi aralyǵynda BAQ jumysy esh kedergisiz júrgizildi, alaıda 12 qyrkúıekte kókpar oıynynyń aqtyq synynda, qaýipsizdikti qamtamasyz etý maqsatynda oıyn alańyna BAQ ókilderiniń kirýine shekteý qoıyldy.
13 qyrkúıekte barlyq protsedýralyq máseleler sheshilgennen keıin aqparat quraldarynyń ókilderine jarysty jaqynnan túsirýge ruqsat berildi.
V Dúnıejúzilik kóshpendiler oıyndarynda medal jeńip alǵan elder tizimi:
|
# |
Elder |
Altyn |
Kúmis |
Qola |
Barlyǵy |
|
1 |
QAZAQSTAN |
43 |
32 |
37 |
112 |
|
2 |
QYRǴYZSTAN |
19 |
21 |
25 |
65 |
|
3 |
RESEI |
12 |
12 |
25 |
49 |
|
4 |
ÓZBEKSTAN |
11 |
12 |
11 |
34 |
|
5 |
TÚRKIıA |
2 |
2 |
2 |
6 |
|
6 |
IRAN |
1 |
3 |
9 |
13 |
|
7 |
MAJARSTAN |
1 |
2 |
5 |
8 |
|
8 |
TÚRІKMENSTAN |
1 |
1 |
2 |
4 |
|
9 |
RÝMYNIıA |
1 |
1 |
1 |
3 |
|
10 |
POLЬShA |
1 |
1 |
0 |
2 |
|
11 |
ÚNDІSTAN |
1 |
0 |
5 |
6 |
|
12 |
QYTAI |
1 |
0 |
5 |
6 |
|
13 |
MOLDOVA |
1 |
0 |
5 |
6 |
|
14 |
INDONEZIıA |
1 |
0 |
1 |
2 |
|
15 |
FRANTsIıA |
1 |
0 |
1 |
2 |
|
16 |
AÝSTRALIıA |
1 |
0 |
0 |
1 |
|
17 |
ITALIıA |
1 |
0 |
0 |
1 |
|
18 |
NIGERIıA |
1 |
0 |
0 |
1 |
|
19 |
MOŃǴOLIıA |
0 |
5 |
9 |
14 |
|
20 |
GRÝZIıA |
0 |
3 |
5 |
8 |
|
21 |
ÁZERBAIJAN |
0 |
2 |
5 |
7 |
|
22 |
GANA |
0 |
1 |
1 |
2 |
|
23 |
KANADA |
0 |
1 |
1 |
2 |
|
24 |
MEKSIKA |
0 |
1 |
0 |
1 |
|
25 |
TÁJІKSTAN |
0 |
0 |
6 |
6 |
|
26 |
NIDERLANDY |
0 |
0 |
4 |
4 |
|
27 |
PÁKІSTAN |
0 |
0 |
3 |
3 |
|
28 |
BELARÝSЬ |
0 |
0 |
2 |
2 |
|
29 |
LATVIıA |
0 |
0 |
1 |
1 |
|
30 |
SLOVAKIıA |
0 |
0 |
1 |
1 |
|
31 |
TAILAND |
0 |
0 |
1 |
1 |
|
32 |
TOGO |
0 |
0 |
1 |
1 |
|
33 |
ESTONIıA |
0 |
0 |
1 |
1 |
