Kóshpendiler oıyny: Balýandar qazaq kúresinen taǵy eki altyn medal jeńip aldy
ASTANA. KAZINFORM- 5-shi Dúnıejúzilik kóshpendiler oıyndary aıasynda qazaq kúresinen synǵa túsip jatqan balýandarymyz taǵy eki altyn medal jeńip aldy.
Onyń alǵashqysyn 70 keli salmaqta el namysyn qorǵaǵan burymdy balýanymyz Roza Nysantaıqyzy jeńip alsa, ekinshisin erler arasynda 100 keli salmaqta synǵa túsken Ersultan Muzapparov jeńip aldy.
Sonymen qatar Zámzágúl Faızollanova fınalda qarsylasyna jol berip, kúmis júldeni qanaǵat tutty.
Aıta keteıik, qazaq kúresi 5-shi Dúnıejúzilik Kóshpendiler oıyndaryndaǵy qatysýshy eń kóp tirkelgen sport túri atandy. Eki kúnge sozylatyn jarystarǵa 41 elden kelgen 274 sportshy qatysyp, 16 salmaq dárejesinde medaldar jıyntyǵyn sarapqa salyp jatyr.
Jarystar Jaqsylyq Úshkempirov atyndaǵy sport kesheninde ótip jatyr.
