Kóshpendiler oıyndary: Turmahanbet Qalmuhan — Alysh kúresinen qola júldeger atandy
ASTANA. KAZINFORM — VI Dúnıejúzilik kóshpendiler oıyndarynda Alysh kúresinen asa jeńil salmaqta synǵa túsken Turmahanbet Qalmuhan júldeli orynnan kórindi, dep habarlaıdy QR Sport komıtetiniń baspasóz qyzmeti.
— Sportshymyz tartysty beldesýler ótkizip, jarys qorytyndysy boıynsha qola medal ıelendi, — delingen habarlamada.
Eske salaıyq, Qazaqstannan Dúnıejúzilik kóshpendiler oıyndaryna 150-den astam sportshy qatysyp jatyr.
Búgin Qazaqstan quramasy aýdaryspaqtan alǵashqy eki altyn medal enshiledi.
Buǵan deıin qazaqstandyq Abzal Tólebekov jamby atýdan Dúnıejúzilik kóshpendiler oıyndarynyń chempıony atandy. Sondaı-aq Nursultan Esimbaı qola medal jeńip aldy.
Sondaı-aq Qyrchyn jaılaýynda «Kóshpendiler álemi» etnoaýyly ashylǵanyn habarlaǵan bolatynbyz.
