16:20, 12 Qyrkúıek 2024 | GMT +6
Kóshpendiler oıyndary: Teńge ilýden 31 sportshy júldege talasyp jatyr
ASTANA. KAZINFORM – Búgin teńge ilýden jarys kúni bastaldy. 13 memleketten kelgen 31 sportshy ózara júldeni sarapqa salady.
Ázirge «Bes beles» atty alǵashqy kezeńniń nátıjesi boıynsha qazaqstandyq Beknur Serikov top bastap tur.
Ekinshi orynǵa mońǵol sportshysy Aıbolat Unatqan jaıǵassa, úzdik úshtikti qyrǵyz Ádilbek Kenjebekýly túıindep otyr.
Qazir sportshylar qos qulash boıynsha baqtaryn synap jatyr. Keıin teńge ilýdiń jeti qut túrinen saıysqa túsedi.
Eske sala keteıik, kókpardan aqtyq synda Qyrǵyzstan kókpar komandasymen saıysqa túsken qazaqstandyq shabandozdar 5:4 esebimen jeńiske jetip, Dúnıejúzilik kóshpendiler oıyndarynyń altyn júldesin qanjyǵalaǵanyn jazǵan bolatynbyz.
