Kóshpendiler oıyndary: Qusbegiler básekesi bastaldy

ASTANA. KAZINFORM – Dál qazir sportshylar búrkitti qolǵa shaqyrý baǵyty boıynsha synǵa túsip jatyr. 

Aıta keteıik, qusbegilik aldyńǵy tórt oıynnyń baǵdarlamasyna enbegen edi. ıAǵnı, atalǵan sport túri boıynsha Astana tórinde doda tarıhyndaǵy alǵashqy júldegerler anyqtalady. 

Baıraqty básekede Qazaqstannyń namysyn qusbegilikten 9 sportshy qorǵaıdy. Olar, búrkit qusy boıynsha – Serikbek Kýntýǵan, Erzat Baıqadamov, Arman Kýshkarov, qarshyǵa qusy boıynsha – Dáýren Arshabaı, Baǵdat Keýenov, Qudaıbergen Raýıluly jáne ıtelgi qusy boıynsha – Erlan Kenjetaev, Baqdáýlet Babajan, Ibragım Bazarbaev.

Joǵaryda aty atalǵan 9 azamat – el ishindegi chempıonattarymyzda júzden júırik shyqqan úzdikter. Jyl basynan beri ulttyq qurama sapyndaǵy qusbegiler úshin Almaty qalasy men Aqmola oblysynda eki oqý-jattyǵý jıyny ótken bolatyn. Úshinshi oqý-jattyǵý jıyny Astana qalasynda uıymdastyryldy. 

«Uly dala dúbiri» uranymen ótip jatqan Kóshpendiler oıyndaryna qusbegilik sport túri boıynsha 10 memleketten 42 sportshy qatysyp jatqanyn atap ótken jón.

Eske sala keteıik, buǵan deıin qazaq balýandary V Dúnıejúzilik kóshpendiler oıyndaryn qorytyndylaǵanyn jazǵan edik.