Kóshpendiler oıyndary: Qazaqstan quramasy at marafonynyń birinshi kezeńinde kósh bastady
ASTANA. KAZINFORM — VI Dúnıejúzilik kóshpendiler oıyndary aıasynda «Kóchmóndór júrúshú» halyqaralyq at marafonynyń alǵashqy kezeńi aıaqtaldy, dep habarlaıdy Qyrǵyzstandaǵy Kazinform agenttiginiń menshikti tilshisi.
Jarystyń birinshi kúninde qatysýshylar jalpy uzyndyǵy 300 shaqyrym bolatyn qashyqtyqtyń 50 shaqyrymyn baǵyndyrdy.
Birinshi kezeń qorytyndysy boıynsha Qazaqstan quramasy kósh bastady. Ekinshi orynda Qyrǵyzstannyń «Ala-Too» komandasy, úshinshi orynda Qyrǵyzstannyń «Ystyqkól» komandasy keledi.
Alda qatysýshylarǵa taǵy 250 shaqyrym jol júrý kerek.
Uıymdastyrýshylardyń aıtýynsha, Dúnıejúzilik kóshpendiler oıyndary aıasynda uzyndyǵy 300 shaqyrym bolatyn at marafony alǵash ret ótkizilip otyr.
Eske salaıyq, Qazaqstannan Dúnıejúzilik kóshpendiler oıyndaryna 150-den astam sportshy qatysyp jatyr.
Búgin Qazaqstan quramasy aýdaryspaqtan alǵashqy eki altyn medal enshiledi.
Buǵan deıin qazaqstandyq Abzal Tólebekov jamby atýdan Dúnıejúzilik kóshpendiler oıyndarynyń chempıony atandy. Sondaı-aq Nursultan Esimbaı qola medal jeńip aldy.
Sondaı-aq Qyrchyn jaılaýynda «Kóshpendiler álemi» etnoaýyly ashylǵanyn habarlaǵan bolatynbyz.
