18:18, 11 Qyrkúıek 2024 | GMT +6
Kóshpendiler oıyndary: Qazaqstan quramasy asyq atýdan jeńimpaz atandy
ASTANA. KAZINFORM – Búgin 5-shi Dúnıejúzilik kóshpendiler oıyndarynda asyq atýdan Qazaqstan erler quramasy jeńimpazy atandy.
A tobynda qarsylas shaq keltirmeı alǵashqy orynmen aqtyq synǵa joldama alǵan Qazaqstan erler quramasy Qyrǵyzstanmen kezdesti. Alaý muz aıdyny kesheninde ótken fınaldyq oıynda otandyq asyqshylar qarsylastarynan 2:1 esebimen basym tústi.
Aıta keteıik, asyq atýdan Qazaqstan erler quramasy toptyq kezeńde Ózbekstan, Ispanııa, Grýzııa, Majarstan jáne Monǵolııa quramalaryn 3:0 esebimen jeńip, fınalǵa joldama alǵan bolatyn.
Esterińizge sala ketsek, osyǵan deıin Qazaqstan qyzdar quramasy bes asyqtan altyn medal jeńip alǵanyn jazǵan bolatynbyz.
