Kóshpendiler qalashyǵy Qonaev qalasynyń menshigine qaıtaryldy
QONAEV. KAZINFORM – Sh.Aımanov atyndaǵy «Qazaqfılm» Ulttyq kınostýdııasy ıelik etken Kóshpendiler qalashyǵy Qonaev qalasynyń menshigine berildi.
Qonaev ákimdiginiń málimetinshe, qazirgi tańda qalashyq eskirip, keıbir jabdyqtary synyp, bastapqy kelbetin joǵaltqan. Sondyqtan kelissózderden keıin kınostýdııa dekoratsııalyq keshendi Qonaev qalasyna syıǵa tartqan.
Nysan aýmaǵy – 5,8 gektar, Іle ózeniniń sol jaq jaǵalaýynda ornalasqan.
– Endi qalashyq TÚKSh bólimine qarasty bolady. Aldaǵy ýaqytta bul aýmaqty týrızm baǵytynda damytý kózdelip otyr. Sondaı-aq ony kútip ustaýǵa, aǵymdaǵy jóndeý jasaýǵa bıýdjetten qarjy qarastyrylady.Búginde ınfraqurylymdy damytý maqsatynda jumystar bastalǵan. Qalashyqqa aparatyn kúre jol salynyp jatyr, - dep habarlady ákimdikten.
Eske salaıyq, buǵan deıin Almaty oblysynda jyl sońyna deıin Kóshpendiler qalashyǵyna jol ashylatynyn jazǵanbyz.