Kóshpendilerdiń dúnıejúzilik oıyndarynda Qazaqstan quramasy ekinshi oryndy enshiledi - Bishkek
ASTANA. QazAqparat - Qyrǵyzstandaǵy kóshpendilerdiń dúnıejúzilik І oıyndarynda Qazaqstan quramasy 28 júlde ıelenip, jalpykomandalyq esepte ekinshi orynǵa turaqtady.
Birinshi oryn jarysty ótkizip jatqan elge buıyrdy. Aıyrqalpaqty aǵaıyndar 55 medal jeńip aldy. Al 3 altyn men 3 qola medal utyp alǵan Túrkimenstannyń qurama komandasy úshinshi oryndy enshiledi, dep habarlady 24.kz.
Jalpy Ystyqkól jaǵasynda ótken jarysta 19 elden kelgen komandalar kúsh synasty. Báseke 3 baǵytta, atap aıtqanda, kúres, at ústindegi jáne oılaýdy qajet etetin logıkalyq oıyndar boıynsha sporttyń 9 túrinen ótti. Sonyń ishinde sáıgúlik jarysy, kókpar, qazaq kúresi men toǵyz qumalaq tanymal.
