Kóshpendiler oıyndary: Qazaqstandyq aýdaryspaqshylar bes kúmis júlde ıelendi
ASTANA. QazAqparat - Dúnıejúzilik kóshpendiler oıyndarynda aýdaryspaqtan aqtyq kezeńge shyqqan qazaqstandyq bes aýdarmashynyń bári de qyrǵyz sportshylarynan utylyp, «kúmis» medalge ıe boldy, dep habarlaıdy QazAqparat tilshisi.
Aıta ketsek, Kóshpendiler oıyndarynyń besinshi jarys kúni qazaqstandyq sportshylar 8 medal ıelenip, jalpy komandalyq esepte úshinshi orynnan kóringen bolatyn. QR Mádenıet jáne sport mınıstrligi Sport jáne dene shynyqtyrý komıtetiniń baspasóz hatshysy Raýhan Toǵymbaeva búgin bes balýanymyz aýdaryspaqtan fınalǵa shyqqanyn habarlaǵan edi. Bes balýandy da fınalda qyrǵyz sportshylary kútip turǵan.
Komıtet ókili búgin qazaqstandyq bes sportshy da fınalda jeńilgenin habarlady.
Aıta ketsek, Dúnıejúzilik kóshpendiler oıyndarynda jalpykomandalyq esepte 30 altyn, 25 kúmis, 23 qola medalmen saıys alańynyń ıeleri - Qyrǵyz Respýblıkasy birinshi orynda kele jatyr. 16 altyn, 9 kúmis, 18 qola medaldi enshilegen Reseı komandasy ekinshi orynnan kórinip otyr. Úshtikti 11 altyn, 17 kúmis, 21 qola medalmen Qazaqstan túıindeıdi.
Foto: www.time.kz
