Kóshpendiler mádenıeti Botaı órkenıetinen bastalady - tarıhshy J. Artyqbaev
ASTANA. 14 maýsym. QazAqparat - Bizdiń kóshpeli mádenıetimiz, kem degende, Botaı órkenıetinen bastalady. Búgin Astanada «Amanat» pikirsaıys klýbynyń uıymdastyrýymen ótken «Ulttyq tarıhty zerdeleý» taqyrybyndaǵy májiliste Lev Gýmılev atyndaǵy Eýrazııa ulttyq ýnıversıtetiniń professory, tarıh ǵylymdarynyń doktory, tarıhshy-etnograf Jambyl Artyqbaev osylaı aıtty.
«Iá, bizdiń búkil mádenıetimiz, órkenıetimiz jylqyǵa baılanǵan. Onsyz qazaq tarıhyn jazyp shyǵý múmkin emes. Sondyqtan Botaı sııaqty eneolıttik mádenıettiń Ortalyq jáne Soltústik Qazaqstan jerindegi qonystaryn jan-jaqty zerttep, bilý kerek», - deıdi J. Artyqbaev. Ǵalym atap kórsetkendeı, ejelgi tarıhty etnografııa arqyly «sóıletý» kerek. «Sóıtip, Botaıdan qazirgi zamanǵa deıingi tarıhymyzdy bir-birimen jalǵastyryp, alyp kelýimiz kerek. Áıtpese, bizdiń búgingi tarıhymyz úzilip qalǵan kınolenta ispettes. Al ǵun, saq sııaqty kezeńderdiń bárin baılanystyryp, tutas bir tarıhty jazyp shyqqan jón», - dep atap kórsetti J. Artyqbaev.
