«Kóshpendiler álemi» festıvalin 6 myńǵa jýyq adam tamashalady

ASTANA. QazAqparat - 2018 jyldyń 30 maýsymy men 1 shildesi aralyǵynda Astanada «Kóshpendiler álemi» halyqaralyq festıvali ótkizildi. Qazaqstan astanasyna Bolgarııa, Vengrııa, Qyrǵyzstan, Reseı (Bashqurtstan, ıAkýtııa) elderiniń qatysýshylary keldi, dep habarlaıdy QazAqparat. 

Festıval baǵdarlamasynda ónerpazdar ázirlegen qoıylymdaryn kórsetip, kóshpendiler mádenıetinde orny erekshe sanalatyn mýzykalyq týyndylar da oryndaldy. Magyar Turan (Vengrııa), «Baga-Týr» proto-bolgarlyq qıyn jaǵdaıda jan saqtaý mektebi (Bolgarııa), «Lıýbızar - Severnye Amýry» 1-inshi Bashqurlyq atty polk» Áskerı-patrıottyq klýby» qoǵamdyq uıymy (Bashqurtstan), qaıta qalpyna keltirý jónindegi túrikterdiń ordýgaıılyq komandasy (Túrkııa),  «Sky Nomad» (Qyrǵyzstan), «Sarbazrukhy» (Qazaqstan) maıtalmandary saıyn dalany jaılaǵan kóshpendiler álemi men mádenıetin pash etti.

«Kazakh Tourism» UK» AQ Basqarma Tóraǵasy Rashıd Kúzembaevtyń sózinshe, «Kóshpendiler álemi» festıvaliniń mańyzy zor. Bul is-shara ejelgi kóshpendilerdiń salt-dástúri, tarıhy men rýhanı birligin saqtaýǵa úlken áser etedi. Sondyqtan bul sharany jyl saıyn Qazaqstannyń árbir aımaǵynda uıymdastyrý josparlanǵan.

«Qazir biz Eýropa men Azııa elderinde turamyz. Biraq bizdi ótkenimiz biriktiredi. Túptep kelgende bárimizdiń de atalarymyz kóshpendi bolǵan. Sondyqtan festıval ıdeıasy Astana men Qazaqstan turǵyndary ǵana emes, kúlli álem halqyn biriktirýdi kózdeıdi. Olar osynda kelip, birneshe ǵasyrlar buryn Eýrazııa qurlyǵyn sharlaǵan birtutas halyqtyń ómirimen tanysa alady», - deıdi «Kazakh Tourism» UK» basshysy.

Festıval uıymdastyrylǵan aýmaq 7 aýylǵa bólindi. Munda jaýjúrek sarbazdar, sadaqshy mergender, at qulaǵynda oınaıtyn shabandozdar jáne mýzykanttar men qolóner sheberleri qonystandyryldy.

Eki kúnniń ishinde árbir aýylda san túrli qoıylymdar qoıylyp, kórermender tánti boldy. At qulaǵynda oınaǵan epti jigitterdiń ónerin tamashalaǵan festıval qonaqtaryna sadaq atý jáne ózge de kóshpeli taıpalardyń mádenıet elementteri kórsetildi.

«Arqaıym» neo-etnofolk toby, homýsshy ári kómeımen án oryndaýshy Tıýrgen Kama, «Turan» etno-folk toby, «The Spirit Of Tengri» baıqaýynyń júldegeri ıÝlıana Krıvoshapkına men ózge de oryndaýshylar kórermen úshin qyzyqty ári tolymdy baǵdarlamanyń shyraıyn asha tústi. 

Qazaqstan astanasynyń 20 jyldyǵyna oraılastyrylǵan «Kóshpendiler álemi» halyqaralyq festıvalin uıymdastyrýshylardyń aıtýynsha, bul sharany bıyl 6myńǵa tarta adam tamashalaǵan.

Festıval aıasynda «Kazakh Tourism» UK» AQ men ı «QazaqGeography» RQB arasynda ózara yntymaqtastyq týraly Memorandýmǵa qol qoıyldy.