Kóshpeliler oıyny: Búrkit salý saıysynda qyrǵyzdar alda keledi
ASTANA. QazAqparat - Qyrǵyzstanda II Dúnıejúzilik kóshpeliler oıyndary barysynda Ystyqkól oblysynyń Kyrchyn jaılaýynda Salbýryn saıatshylyqtan jarys ótti.
Bul týraly Qyrǵyz Respýblıkasy Úkimet janyndaǵy Jastar isi, dene shynyqtyrý jáne sport jónindegi memlekettik agenttiktiń baspasóz qyzmeti habarlady.
Salbýryn - saıat qusy men tazy ıt jáne sadaqtan mergendik synalatyn keshendi ańshylyq óneri.
Qus salýdyń birneshe túrinen bes elden kelgen saıatshylar sheberlik synasty.
Jarysqa Reseı, Mońǵolııa, Qazaqstan, Ózbekstan jáne Italııadan: búrkit salýǵa 14 sportshy jáne qusqa tapsyrma oryndatýdan (Dalba oınatý) 8 saıatshy qatysty.
Jarys nátıjesi:
Búrkit salý:
1 oryn - Aıbek Saǵynbaev - Qyrǵyzstan
2 oryn - Chyngyz Dyıkanov - Qyrǵyzstan
3 oryn - Jalǵas Ákimbekov - Qazaqstan
Dalba oınatý - búrkitke buıryq oryndatý sheberligi:
1 oryn - Mırlan Kalılov - oryn Qyrǵyzstan
2 oryn - Nýrseııt Beıshebaev - Qyrǵyzstan
3 oryn - Rınat Masalbekov - Qyrǵyzstan
