Kóshkin saldarynan Frantsııa men Italııa arasyndaǵy qatynas toqtady

ASTANA. QazAqparat – Týrıster arasynda tanymal Frantsııanyń Savoııa departamentindegi Moren alqabynda taýlardan shamamen 700 tekshe metr topyraq kóshken, dep habarlaıdy QazAqparat Euronews agenttigine silteme jasap.

Ispanııanyń Jerorta teńizi jaǵalaýynda daýyl saldarymen kúres júrip jatyr. Bılik turǵyndardy saq bolýǵa shaqyrýda.

Balear araldaryndaǵy qatty daýyldyń saldarynan birneshe adam jaraqat alyp, qaıyqtar túıisip jatyr, reıster toqtatylǵan.

Jeksenbiden bastap jedel qyzmet 400 ret shaqyrtýǵa shyqqan. Malorkadaǵy Kalvııa mýnıtsıpalıtetinde júkti áıeldiń ústine jol belgisi qulap, zardap shekti. Iletas jaǵajaıynda eki jasóspirimdi teńiz alyp ketip, ekeýi de qutqaryldy.

Ekpini 120 km/saǵ jetken qatty jeldiń saldarynan Palma portyna baılanǵan 330 metrlik Britannia krýız kemesi munaı tankerimen soqtyǵysqan. Eshkim zardap shekpegen.

Nóser men burshaqtan qurlyqtyq Ispanııa, ásirese Katalonııa men Valensııa zardap shekken.

Frantsııanyń Alpi taýlarynda Moren alqabynda 700 tekshe metrlik taý jynysy syrǵyǵan.

BAQ-tyń habarlaýynsha, Frantsııa men Italııa arasyndaǵy temirjol qatynasy beısenbige deıin toqtaǵan.

Kóshkin saldarynan jergilikti mańyzy bar jol men A43 tasjoly jabyldy.

«Biz mundaı jaǵdaıdyń bolýy múmkin ekenin bildik, sońǵy birneshe kúnde jaýǵan jaýyn-shashynnyń saldarynan topyraq syrǵýy jedeldedi», – deıdi Moren alqabyndaǵy (Savoııa departamenti) jol paıdalaný dırektory Ivan Ganer.