Qoshqarbaev pen Nurmaǵambetovtiń mereıtoıyna arnalǵan saptyq án baıqaýyna 350-ge jýyq adam qatysty
KÓKShETAÝ. KAZINFORM - Aqmola oblysynda Raqymjan Qoshqarbaev pen Saǵadat Nurmaǵambetovtyń 100 jyldyǵyna arnalǵan is-sharalar serııasy bastaldy. Osyǵan oraı QR QM Sh.Ýálıhanov atyndaǵy Kadet korpýsynda Otan qorǵaýshylar kúni jáne Jeńis kúni qarsańynda oblystyq saptyq ánder baıqaýy ótti.
Aımaq basshysy Marat Ahmetjanov sharaǵa qatysýshylardy Otan qorǵaýshylar kúni jáne Jeńis kúnimen quttyqtap, jas ulandarǵa týǵan elin, onyń tarıhyn qurmetteýge shaqyrdy, sondaı-aq, Otanǵa qaltqysyz qyzmet etý jáne ony qorǵaý – árbir azamattyń qasıetti boryshy ekenin atap ótti.
«Otan qorǵaýshylar kúni men Jeńis kúni qarsańynda mektepter men kolledjderdiń oqýshylary arasynda saptyq án baıqaýlaryn ótkizý dástúrge aınaldy. Bul jaı ǵana baıqaý emes, sizderdiń uıymshyldyq, úılesimdilik jáne komandada jumys isteý bilý qabiletterińizdiń jarqyn kórsetkishi. Árıne, osyndaı is-sharalardyń arqasynda óskeleń urpaqtyń úlkenderge degen qurmet pen Otanǵa degen súıispenshilik sezimderi oıanady. Bizdiń jerles batyrlarymyz – Saǵadat Nurmaǵambetov pen Raqymjan Qoshqarbaev otansúıgishtik men batyrlyqtyń jarqyn úlgisin kórsetti. Árbir qazaqstandyqtyń osy qundylyqtardy bilip, saqtaýy tıis», - dedi M. Ahmetjanov.
Baıqaýǵa Aqmola oblysy tehnıkalyq jáne kásiptik bilim berý uıymdarynyń stýdentteri arasynan 19 komanda qatysty. Onyń ishinde 5 komanda bolyp qyzdar shyqty.
Іs-sharada qatysýshylar saptyq daıyndyqtyń sheberligin, komandalyq rýhty, tártipti kórsetti, saptyq ándi oryndady.
«Búgin oblystyq baıqaýǵa 350-ge jýyq adam qatysty. Baıqaý joǵary patrıottyq sanany, óz Otanyna degen adaldyq sezimin qalyptastyrýǵa yqpal etedi», - dedi uıymdastyrýshylar.
Baıqaý qorytyndysy boıynsha J.Mýsın atyndaǵy joǵary qazaq pedagogıkalyq kolledjiniń jasóspirimder komandasy birinshi oryn alsa, Kókshetaý qalasynyń joǵary tehnıkalyq kolledjiniń komandasy ekinshi, al, Şýche qalasynyń orman sharýashylyǵy, ekologııa jáne týrızm kolledjiniń jigitteri úshinshi orynnan kórindi.
Qyzdar arasynda Kókshetaý qalasyndaǵy Aqan seri atyndaǵy joǵary mádenıet kolledjiniń komandasy eshkimge des bermedi, ekinshi jáne úshinshi oryndardy Kókshetaý qalasyndaǵy J.Mýsın atyndaǵy joǵary qazaq pedagogıkalyq kolledjiniń qyzdary men joǵary tehnıkalyq kolledjiniń komandalary ózara bólisti. Jeńimpazdar men júldegerler aqshalaı sertıfıkatpen jáne dıplommen marapattaldy.
Aıta ketsek, budan buryn Aqmola oblysynda Otan qorǵaýshy jáne Jeńis kúnderin merekeleý aıasynda birqatar is-shara ótkiziletin jazǵan edik.
