11:21, 10 Shilde 2024 | GMT +6
Qoshqarbaev dańǵyly jabyldy: Joldy durys jóndemegen merdiger jumysty qaıta bastaıdy
ASTANA. KAZINFORM — Astana qalasynyń kólik jáne jol-kólik ınfraqurylymyn damytý basqarmasy Rahymjan Qoshqarbaev dańǵylynyń Muqsan Tólebaev kóshesinen Ózbekáli Jánibek kóshesine deıingi ýchaskesinde jol tósemindegi kemshilikterdi joıý jumysy júrgiziletinin habarlady.
Jumys merdiger uıymnyń kepildik mindettemesine sáıkes óz qarajaty esebinen júrgiziledi.
Osyǵan baılanysty 10-11 shildesinde joǵaryda atalǵan ýchaske ishinara jabylady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten.
