«Qoshqar ata» qaldyq qoımasynyń aınalasyna sekseýil egile bastady
AQTAÝ. QazAqparat - Mańǵystaýda «Qoshqar ata» qaldyq qoımasynyń mańyna jasyl qorǵanys aımaǵyn jasaý úshin 88,2 gektar jerge qara sekseýil egile bastady, dep habarlaıdy QazAqparat tilshisi.
«Qoshqar atany» rekýltıvatsııalaý jumystary jalǵasyp jatyr.
«2021 jyly 266,2 gektar jerge rekýltıvatsııalaý jumysy júrgizilgen edi. Osy jyldyń sońyna deıin 335,9 gektar jerge qaıta qalpyna keltirý jumystaryn iske asyrý josparlanǵan. Al 2023-2024 jyldary 1008,1 gektar jerge rekýltıvatsııalaý jumystary júrgiziledi», - dedi Mańǵystaý oblysy tabıǵı resýrstar jáne tabıǵat paıdalanýdy retteý basqarmasy basshysynyń orynbasary Esenqos Ádilbaev.
Qazirgi tańda «Qoshqar ata» qaldyq qoımasynda 200 gektar jerdi qaıta qalpyna keltirý jumystary jasaldy. Rekýltıvatsııa jumysynyń qaıta bastalǵany týraly aqparat bergen edik.
Aıta keteıik, rekýltıvatsııa aıasynda egilip jatqan qara sekseýil - Mańǵystaýdyń qatal klımatyna tótep bere alatyn, tez tamyr jaıyp ósetin, qumdy ustap turatyn qasıeti bar jergilikti florada kezdestin aǵash.
Osyǵan deıin Mańǵystaýdaǵy 3 aýyldy qum basýdan saqtap qalý úshin sekseýil egý josparlanǵanyn jazǵanbyz .
«Qoshqar ata» qaldyq qoımasynyń aınalasynda da sekseýilden jasyl qorǵanys aımaǵyn qurý jumystary 2025 jyldyń sońyna deıin jalǵasatyn bolady.
