Kóshi-qon zańyn buzǵan Ózbekstan azamattary qylmystyq jaýapqa tartylyp jatyr
AQTÓBE. QazAqparat - Úsh kúnde Qazaqstan aýmaǵynda bolýy erejesin buzǵan 300-ge jýyq shetel azamaty anyqtaldy. Aqtóbede ótken «Mıgrant» aldyn-alý sharasy kezinde 4 Ózbekstan azamatyna qatysty qylmystyq is qozǵaldy, dep habarlaıdy QazAqparat tilshisi.
Aqtóbege kelgen 287 shetel azamaty Qazaqstan aýmaǵynda bolý zańdylyǵyn saqtamaǵan. Olardyń bári ákimshilik jaýapkershilikke tartylyp, 108 shetel azamaty el aýmaǵynan shyǵaryldy.
«Sheteldikterdi tirkeý deregi boıynsha - 45, sheteldik jumys kúshin paıdalaný erejesin buzǵan azamattarǵa qatysty 20 jumys berýshi ákimshilik jaýapkershilikke tartyldy. Al kóshi-qon zańnamasyn buzǵan 4 sheteldikke qatysty qylmystyq is qozǵaldy», - dedi oblystyq ІІD Kóshi-qon polıtsııasy basqarmasynyń vzvod komandıri Aslan Qasqyrbaev.
Qazir Ózbekstan azamattaryna qatysty qylmystyq isti tergeý jumystary júrip jatyr. Buryn olar turǵyn úı qurylysynda jumys istese, sońǵy jyldary kólik jóndeý ortalyqtaryna zańsyz jumysqa ornalasqandary anyqtaldy.
