Kóshi-qon zańnamasyn buzýǵa qatysty 37 qylmystyq is qozǵaldy
ASTANA. QazAqparat - QR ІІM Kóliktegi ishki ister departamentiniń Kóshi-qon polıtsııasy basqarmasy men onyń jelilik bólinisterinde jyl basynan beri QR kóshi-qon zańnamasyn buzýǵa jol bermeý jáne anyqtaý maqsatynda, Departamenttiń qyzmet kórsetý aýmaǵynda kóshi-qon úderisterin baqylaýdy qamatamasyz etýge baǵyttalǵan birqatar sharalar júzege asyryldy.
Kóliktegi ІІD baspasóz qyzmetiniń habarlaýynsha, jyl basynan beri kóshi-qon zańnamasyn buzýǵa qatysty 37 qylmystyq is qozǵalǵan. Olardyń 16-sy QR memlekettik shekarasyn qasaqana zańsyz kesip ótý (QR 330-baby), 15-i QR aýmaǵynan tys jerge shyǵý týraly sottyń sheshimin oryndamaý, 6-ýy zańsyz kóshi-qon uıymdastyrý (QR QK 330-2-baby) boıynsha.
Aǵymdaǵy jyldyń basynan beri kóshi-qon zańnamasyn buzǵan 1817 azamat ákimshilik jaýapkershilikke tartyldy. Sondaı-aq, kóshi-qon zańnamasynan basqa ártúrli quqyq buzǵan 3118 sheteldik azamatqa ákimshilik jaza qoldanyldy. Sot sheshimimen 29 sheteldik azamat QR aýmaǵynan tysqary shyǵaryldy.
Jalpy 11 aı ishinde kóshi-qon zańnamasyn buzǵan sheteldik azamattarǵa 15 mln 722 myń teńge aıyppul salyndy.
Kóliktegi ІІD bastyǵynyń orynbasary polıtsııa polkovnıgi Talǵat Ótetileýovtiń aıtýynsha, 2014 jyldyń 3-5 jeltoqsany aralyǵynda quqyqtyq tártipti qamtamasyz etý, Qazaqstan Respýblıkasynyń aýmaǵyna zańsyz keletin adamdardy anyqtaý men zańsyz kóshi-qon arnalary men olardy uıymdastyrýshylardyń jolyn kesý maqsatynda Kóliktegi ІІD qyzmet etý aýmaǵynda «Mıgrant» jedel- aldyn alý is-sharasy ótkizilýde.
