Kóshi-qon zańnamasyn buzǵan ýkraınalyqtar aıyppul tóledi
ORAL. QazAqparat - Zelenov aýdandyq №2 soty osy aıdaǵy eki apta ishinde Ýkraına azamattaryna qatysty alty ákimshilik iske núkte qoıdy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, shekara beketi qyzmetkerleri qujattardy tekserý barysynda tórt er jáne eki áıel adamnyń Qazaqstan Respýblıkasynyń ishki ister organdarynda belgilengen merzimnen astam ýaqyt boıy tirkeýsiz bolyp, kóshi-qon zańnamasyn buzǵandyǵyn anyqtady. Oǵan qosa sońǵy ekeýiniń kelý vızalary bolmaǵan.
Sot atalǵan quqyq buzýshylarǵa QR Ákimshilik quqyqbuzýshylyq kodeksi 517-baby 2-bóligine sáıkes jalpy somasy 142 944 teńge kóleminde ákimshilik aıyppul saldy. Aıyppul tolyq tólenip, memleket paıdasyna tústi.
Qaýly zańdy kúshine engen joq.
