Kóshi-qon zańnamasyn buzǵan Tájikstannyń úsh azamaty elden shyǵaryldy

ShÝ. QazAqparat - Kólik polıtseıleri elimizdiń kóshi-qon zańnamasyn buzǵan Tájikstannyń úsh azamatyn ustady, dep habarlaıdy QazAqparat Kóliktegi polıtsııa departamentine silteme jasap.

Kólik polıtseıleri «Mıgrant» jedel-aldyn alý is-sharasy aıasynda Shý stansasynda «Nur-Sultan – Saryaǵash» baǵytyndaǵy jolaýshylar poıyzyndaǵy vagondardyń birinde qujat tekserý kezinde 21-22 jas aralyǵyndaǵy Tájikstan Respýblıkasynyń úsh azamatyn anyqtap, ustady.

«Olarǵa qatysty QR ÁQBtK 517-babynyń 4-bóligi boıynsha ákimshilik hattama toltyryldy» delingen habarlamada.

Quqyqbuzýshylar Shý aýdandyq sotynyń sheshimimen elden shyǵaryldy.