Kóshi-qon zańnamasyn buzǵan sheteldikterge 14 mln. teńge aıyppul saldy
ASTANA. Qazaqparat - QR ІІM Kóliktegi ІІD-niń Kóshi-qon polıtsııasy aǵymdaǵy jyldyń 9 aıynda QR kóshi-qon zańnamasynyń talaptary buzylýyna jol bermeý maqsatynda Departamenttiń qyzmet kórsetý aýmaǵyndaǵy kóshi-qon protsesterin baqylaýdy qamtamasyz etetin aýqymdy is-sharalardy júzege asyrdy.
Departamenttiń Kóshi-qon polıtsııasy basqarmasynyń bastyǵy polıtsııa polkovnıgi Ǵanı Shymyrbaevtyń aıtýynsha, Departamenttiń qyzmet kórsetý aýmaǵynda kóshi-qon zańnamasyn buzǵany úshin 34 qylmystyq is qozǵaldy, onyń 14-i memlekettik shekaradan zańsyz ótkender, 6-ýy (QR QK 330-1baby) zańsyz kóshi-qon uıymdastyrǵandar (QR QK 330-2 baby).
Kóshi-qon zańnamasyn buzǵany úshin ákimshilik jaýapkershilikke barlyǵy 1562 azamat tartyldy.
Sot qaýlylarymen Qazaqstan Respýblıkasynyń aýmaǵynan 28 sheteldik azamat tysqary shyǵaryldy.
Kóshi-qon zańnamasyn buzǵan sheteldikterge 14 mln. teńge ákimshilik aıyppul salyndy, dep habarlaıdy Kóliktegi ІІD baspasóz qyzmeti.
