Kóshi-qon zańnamasyn buzǵan 115 sheteldik elden qýyldy
QR kóshi-qon saıasatynyń basty ustanymy – ultaralyq kelisim men turaqtylyqty saqtaý. Kóshi-qon protsesterin basqarý jáne retteý halyqaralyq standarttardyń saqtalýyna negizdelgen. Jyl basynan beri Qostanaı oblysyna 18 myńǵa jýyq shetel azamaty kelgen. Alaıda, kelgenderdiń barlyǵy birdeı zańǵa baǵyna bermeıdi.
«Qostanaı oblysynyń polıtsııa departamenti qyzmetkerleri tek kóshi-qon zańnamasyn buzǵany úshin 1700-den astam shetel azamatyn ákimshilik jaýapkershilikke tartty. Kóshi-qon zańnamasyn buzýshy 115 adam elden shyǵaryldy, onyń 11-ne azamattyq is júrgizilip jatyr. Sheteldikterdi shaqyrǵan Qazaqstan Respýblıkasy azamattary ýaqtyly tirkeýdi qamatamasyz etýi tıis. Osy baǵytta tıisti sharalardy qabyldamaǵany úshin 370 jeke jáne zańdy tulǵa ákimshilik jazaǵa tartyldy», - delingen departamenttiń baspasóz habarlamasynda.
Sondaı-aq, shetel turǵyndarynyń eńbegin zańsyz paıdalanǵan 90-ǵa jýyq jumys berýshi anyqtalyp, jazalanǵan.