Kóshi-qon zańdaryn buzǵan Ózbekstannyń 15 azamaty el aýmaǵynan shyǵaryldy
TARAZ. QazaAqparat - Merki aýdandyq sotynyń sheshimimen Kóshi-qon zańdaryn buzǵany úshin Qazaqstan aýmaǵynan Ózbekstannyń 15 azamaty shyǵaryldy, dep habarlaıdy «QazAqparat» tilshisi.
Jambyl oblystyq sotynyń baspasóz qyzmeti málimdegendeı, jergilikti sot Ózbekstan Respýblıkasynyń 15 azamatyna qatysty QR ákimshilik quqyqbuzýshylyq Kodeksiniń 517 bap, 5 tarmaǵy boıynsha ákimshilik isti qarady.
Kórshi eldiń azamattary Qazaqstan aýmaǵyna kirý maqsattaryn, kóshi-qon kartalarynda «jeke sharýalary» boıynsha dep kórsetken. Shyn máninde olar Merki aýdanyndaǵy jeke úılerdiń birine jaldanyp jumys istegen. ıAǵnı, Qazaqstannyń kóshi-qon jónindegi zańnamasyn buzyp, ruqsatsyz eńbekke jaldanǵan.
Sot qaýlysyna sáıkes, Ózbekstan azamattary kináli dep tanylyp, Qazaqstan Respýblıkasy aýmaǵynan shyǵaryldy.
Sot sheshimi áli zańdy kúshine engen joq,-dep qosty Merki aýdandyq sotynyń baspasóz qyzmeti.
