Kóshi-qon úderisterin tek ózara syılastyq pen tózimdilik arqyly ǵana jeńýge bolady -EQYU Sammıtiniń Sholý konferentsııasy
ASTANA. 27 qarasha. QazAqparat /Aıdar Ospanalıev/ - Álemde kún sanap qarqyn alyp bara jatqan kóshi-qon úderisterin tek ózara syılastyq pen tózimdiliktiń arqasynda ǵana jeńýge bolady», dedi búgin Kóshi-qon jónindegi halyqaralyq uıymnyń basshysy Anreas Halbah Astanda ótip jatqan EQYU sammıtiniń Sholý konferentsııasynda.
Onyń sózine qaraǵanda, tózimdilik máselesi árkimniń óz otanynda bastalady. Kóshi -qon úderisteriniń aldaǵy ýaqytta tek qarqyndy júretinin eskersek, azamattardy tózimdilikke úıretý memlekettik mańyzy bar másele bolmaq. «Bul rette tózimdilik máselesindegi memlekettik ustanymdar men aldyńǵy qatarly tájirıbeni engizip, adamdardyń ózderiniń júris-turystaryn tártipke salǵandary durys», dedi halyqaralyq uıym basshysy.
Onyń sózine qaraǵanda, ár elde sóz bostandyǵyn bireýlerdi alalaý maqsatynda paıdalanýǵa jol berilmeýi kerek. Memlekette áralýandylyqtyń qarqyn alýy ulttyq múddege zııan keltirip otyrǵandaı sezim qalyptastyratyny ras. «Sondyqtan bul máselede jergilikti turǵyndardyń bilim-biligin arttyryp otyrǵan jón. Bul baǵytaǵy jumystar árıne kóship-qonýshylardyń ózderimen de júrgizilýi kerek. Eger biz mıgranttardy jahandaný úderisiniń adam túrindegi kórinisi deıtin bolsaq, biz jahandanýdy bólip-jarý arqyly jeńe almaımyz. Bul úderisti biz tek ózimiz ben ózgelerdi ózara syılastyqqa tárbıeleý arqyly ǵana eńseremiz», dedi A.Halbah.
