Kóshi-qon týraly jańa zań mamyrda qabyldanady
ASTANA. 31 naýryz. QazAqparat /Rýslan Ǵabbasov/ - Kóshi-qon týraly jańa zań mamyrda qabyldanady. Bul jaıynda búgin Astanada ótken baspasóz máslıhatynda QR Eńbek jáne halyqty áleýmettik qorǵaý vıtse-mınıstri Birjan Nurymbetov aıtty.
«Búginde Qazaqstan kóshi-qon jónindegi zań jobasyn jańa redaktsııada qabyldamaq. Zań jobasy QR Parlamenti Májilisiniń qaraýynda jatyr. Bizdiń paıymdaýymyzsha, ol aǵymdaǵy jyldyń mamyr aıynda qabyldanatyn bolady»,-dedi vıtse-mınıstr.
Onyń aıtýynsha, osy zań jobasy aıasynda maýsymdyq jumysshylar men mártebesi rettelmegen eńbek mıgranttarynyń qyzmetin retteý sharalary boıynsha birqatar jańashyldyqtar qarastyrylǵan.
Sonymen qatar atalǵan qujatta mártebesi rettelmegen eńbek mıgrattanttaryn resmı túrde bekitý boıynsha aktsııa bes jylda bir ret ótkizilip turmaq.
«Búginde mıgratsııalyq qadaǵalaý sharalary tyńǵylyqty atqarylýda. Osy baǵytta tıisti jedel sharalar iske asyrylyp jatyr. Atap aıtqanda, bul baǵytta zań buzýshylyqtar anyqtalyp, elimizde zańsyz júrgen shetel azamattaryn el aýmaǵynan shyǵarý jumystary atqarylady. Jyl saıyn zańnama talaptaryn saqtamaǵan 18-20 myń mıgrant elderine qaıtarylady»,-dedi B. Nurymbetov.
