Kóshi-qon týraly zań qabyldanýy tıis - Elbasy
ASTANA. Qyrkúıektiń 1-i. QazAqparat /Qanat Mámetqazyuly/ - Kóshi-qon týraly zań qabyldanýy qajet. Búgin tórtinshi shaqyrylǵan QR Parlamentiniń tórtinshi sessııasyn ashý barysynda Elbasy Nursultan Nazarbaev osylaı málim etti.
Memleket basshysy bul rette keıbir zańnamalyq aktilerdi azamattardy turǵylyqty orny boıynsha tirkeý týraly zańnyń da qabyldanýy tıistigin atap ótti. «Aınalamyzdaǵy turaqsyzdyq terrorıstik uıymdardyń belsendi bola túsýi, esirtki trafıgi - osynyń barlyǵyn esepke ala otyryp, biz elimizge kim kelip, kim ketip jatqanyn bilýimiz kerek. Qazir bul baǵytta birshama tártip ornatýdamyz. Elimizde kóptegen uıymdar kóshi-qon isimen aınalysýda. Biraq olardyń eshqaısy bizge qansha adam kelip-ketkenin aıtyp bere almaıdy. Sondyqtan da biz osy jumysty bir orynǵa shoǵyrlandyrdyq», degen Elbasy sáıkes zańnamalyq normalardyń qabyldanýy tıistigin atap ótti.
