Kóshi-qon salasyndaǵy zańnamalardyń halyqaralyq tájirıbesine arnalǵan semınar ótýde
annyń 29-y. QazAqparat /Qanat Mámetqazyuly/ - Búgin QR Parlamenti Májilisinde kóshi-qon salasyndaǵy zańnamalardyń halyqaralyq tájirıbesine arnalǵan semınar óz jumysyn bastady.
Jıyn QR Eńbek jáne halyqty áleýmettik qorǵaý mınıstrligi, Parlament Májilisiniń Áleýmettik-mádenı damý komıteti, «Nur Otan» HDP Fraktsııasynyń Áleýmettik keńesi, EQYU-nyń Astana qalasyndaǵy Ortalyǵy, Halyqaralyq eńbek uıymy jáne basqa da halyqaralyq uıymdardyń qoldaýymen ótýde, dep habarlaıdy QazAqparat.
Semınar jumysy kóshi-qon salasyndaǵy Qazaqstannyń zańnamalary taqyrybyna arnalyp, bul rette Eńbek jáne halyqty áleýmettik qorǵaý mınıstrliginiń Jaýapty hatshysy Tamara Dúısenova «Halyqtyń kóshi-qony týraly» jańa zań jobasynyń tujyrymdamasymen tanystyryp ótti. ıAǵnı, semınardyń alǵashqy sessııasy mınıstrlik tarapynan ázirlengen jańa jobany talqylaýǵa baǵyttalyp otyr. Toqtala ketetin jaıt, atalǵan zań jobasy Elbasynyń jarlyǵymen bekitilgen 2007-2015 jyldarǵa arnalǵan Qazaqstannyń kóshi-qon saıasatynyń tujyrymdamasyna sáıkes ázirlengen bolatyn. Osyǵan oraı, zań jobasyn daıyndaýǵa memlekettik organdardan basqa, Májilis depýtattary, halyqaralyq kóshi-qon, eńbek uıymdary jáne EQYU ókilderi atsalysyp, arnaıy jumys toby qurylǵan edi. Nátıjesinde zań jobasynyń normalary men erejelerinde jalpyǵa birdeı qabyldanǵan álemdik standarttar, halyqaralyq mindettemeler kórinis taýyp otyr.
Semınar barysynda depýtattar men halyqaralyq sarapshylar zań jobasyna qatysty óz usynystary men pikirlerin ortaǵa saldy.
Sonymen birge, semınardyń ekinshi sessııasy kóshi-qon saıasaty salasynyń halyqaralyq standarttaryna arnalady. Osyǵan baılanysty EQYU-nyń Demokratııalyq ınstıtýttar men adam quqyǵy bıýrosynyń zańnamalyq qoldaý departamentiniń basshysy Marta Akler «Demokratııalyq ınstıtýttar men adam quqyǵy bıýrosynyń azamattardyń quqyǵy salasyndaǵy zańnamalyq qoldaý kórsetý jumystarymen tanysý» taqyrybynda baıandama jasaıdy dep kútilýde. Budan basqa, semınar barysynda kóshi-qon salasynyń halyqaralyq standarttary men mindettemeleri, ádistemeleri jaıynda sóz bolyp, pikir almasý kózdelip otyr.
