Kóshi-qon salasyndaǵy keıbir fýnktsııalar ІІM-nen Eńbek mınıstrligine berildi
Bul týraly QR Іshki ister mınıstrliginiń baspasóz qyzmeti málim etti.
«2022 jylǵy qańtardan bastap QR Prezıdenti Jarlyǵymen kóshi-qon salasyndaǵy 20 fýnktsııa Іshki ister mınıstrliginen Eńbek jáne halyqty áleýmettik qorǵaý mınıstrligine berildi. Ol úshin Eńbek kodeksine, «Bosqyndar týraly», «Halyqtyń kóshi-qony týraly», «Jeke basty kýálandyratyn qujattar týraly» jáne «Іshki ister organdary týraly» zańdarǵa ózgerister engizildi», - dep jazylǵan mınıstrliktiń baspasóz qyzmeti usynǵan aqparatta.
Bul fýnktsııalardyń arasynda eńbek ımmıgranttaryna ruqsat berý, bosqyndarmen jumys, halyqtyń kóshi-qony salasyndaǵy vedomstvoaralyq úılestirý jumystaryn júzege asyrý, kóshi-qon protsesteriniń monıtorıngi sııaqty quqyqtyq tártipti qamtamasyz etýmen tikeleı baılanysy joq ókilettikter bar.
«Eńbek jáne halyqty áleýmettik qorǵaý mınıstrliginiń bosqyndarmen jumysy kóbine olarǵa áleýmettik kómek, medıtsınalyq qyzmet jáne bilim berýge, sondaı-aq olardy jumysqa ornalastyrýǵa baǵyttalatyn bolady.
«Eńbek patentteriniń» nemese jeke tulǵalardyń úı sharýashylyǵynda jumys isteýge keletin eńbek mıgranttaryna ruqsat Halyqqa qyzmet kórsetý ortalyqtary arqyly beriledi.
Ruqsattardyń basqa túrlerin jergilikti atqarýshy organdar beredi. Olardy berý tártibin Eńbek jáne halyqty áleýmettik qorǵaý mınıstrligi aıqyndaıdy», - delingen resmı túsindirmede.
Degenmen, bosqyndar men eńbek mıgranttarynyń Qazaqstanda bolý erejelerin saqtaý jaǵdaıy burynǵysynsha polıtsııa baqylaýynda bolady.
ıAǵnı, bosqyn mártebesin jáne jeke tulǵadan eńbek qyzmetine ruqsat alǵannan keıin kórsetiletin qyzmetti alýshylar ornalasqan jeri boıynsha polıtsııaǵa ýaqytsha turýǵa ruqsat alýy kerek.
Týyndaǵan suraqtar boıynsha Eńbek jáne halyqty áleýmettik qorǵaý mınıstrliginiń Eńbek, áleýmettik qorǵaý jáne kóshi-qon komıtetine telefon arqyly habarlasýǵa bolady: 8/717/2-74-37-78, 74-37-26
QR ІІM Kóshi-qon qyzmeti komıteti telefondary: 8/717/2-71-40-73,72-20-62.
