Kóshi-qon polıtsııasy mamandary oralmandarǵa arnap trenıgter ótkizdi
ASTANA. 30 shilde. QazAqparat - 2013 jyldan bastap «Meıirim-Demeý» kóship-qonýshylardy jáne analar men balalardy aqparattyq qoldaý ortalyǵy» qoǵamdyq birlestigi memlekettik-áleýmettik tapsyrys aıasynda
Astana qalasy Іshki saıasat basqarmasynyń qoldaýymen «Oralmandardy áleýmettik beıimdeý jáne qoldaý qyzmetin uıymdastyrý» atty áleýmettik joba jumysyn júrgizýde. Jobanyń basty maqsaty - elordamyz Astana qalasyna alys jáne jaqyn shetelderden qonys aýdarǵan oralmandarǵa quqyqtyq, aqparattyq, rýhanı, psıhologııalyq, tildik kómekter kórsetý arqyly olardyń jańa ortaǵa kirigip, qoǵamdyq ómirge erkin aralasýyna múmkindik jasaý, qoǵamdyq belsendiligin arttyrý, dep habarlaıdy atalǵan birlestiktiń baspasóz qyzmeti.
Joba aıasynda Astana qalasy Jumyspen qamtý jáne áleýmettik baǵdarlamalar basqarmasy Astana qalasynyń Іshki ister departamenti, Kóshi-qon polıtsııasy basqarmasy, Turǵyn úı basqarmasy, Kásipkerlik jáne ónerkásip basqarmasy, AHAJ bólimi, «Damý» kásipkerlikti damytý qory, «Turǵyn úı qurylys jınaq» banki mamandarynyń qatysýymen aǵaıyndardyń quqyqtyq, áleýmettik beıimdelýin arttyrýǵa, olardyń jańa ortaǵa sińisýin qamtamasyz etýge baılanysty semınar-trenıngter, oqytý sabaqtaryn uıymdastyrylmaq.
Osyǵan baılanysty, jýyrda Astana qalasyndaǵy oralmandardyń qatysýymen «Kóshi-qon úrdisiniń quqyqtyq jaǵdaılary» atty trenıng ótkizildi. Trenıngti Astana qalasy, Іshki ister departamenti, Kóshi-qon polıtsııasy basqarmasynyń mamany Aına Barbasova júrgizdi. 2011jyldyń 22 shildesinde qabyldanǵan Qazaqstan Respýblıkasynyń «Halyqtyń kóshi-qony» týraly jańa Zańyn tanystyryp, kóship kelýshilerge ýaqytsha jáne turaqty tirkeý, yqtııarhatty alý, oralman mártebesin alý, azamattyqty qabyldaý sııaqty suraqtaryna jaýap berdi.
Kúndelikti jumys barysyndaǵy baqylaýlarǵa súıensek, kóptegen qandastarymyz túsinbeýshilikten jáne zań bilmeý sebepterinen tólqujattaryn ýaqytynda tirkemeý, turaqty tirkelgen kúnnen bastap 10 kún ishinde yqtııarhatty rásimdemeý, tólqujattarynyń, yqtııarhattarynyń merzimi ótip ketý, qujattaryn joǵaltý, urlatý, búldirip alý sııaqty qıyndyqtarǵa tap bolady.
«Sondyqtan Qazaqstan Respýblıkasynyń zańdaryn oqyp, ony biletin jergilikti azamattarmen aralasyp júrýińiz jańa kelgen orynda tez de tıimdi jaılasyp ketýlerińizge alǵyshart bola alady», - dep atap ótti A. Barbasova.
