Kóshi-qon komıtetin ІІM-ne kóshirý - mindetti shara - A. Kýlınıch
STANA. Qyrkúıektiń 21-i. QazAqparat /Jasulan Amanbaıuly/ - Búgin Astanada «Bnews.kz» portalynda ótken onlaın konferentsııada portal paıdalanýshylarynyń aldynda tikeleı jelide jaýap qaıyrǵan ІІM basshysynyń orynbasary A. Kýlınıch «Kóshi-qon komıtetin Іshki ister mınıstrligine kóshirý - mindetti shara», dep esepteıdi.
Kóshi-qon komıteti Eńbek jáne halyqty áleýmettik qorǵaý mınıstrliginde ekeni belgili. Degenmen A.Kýlınıchtiń atap kórsetkenindeı, kóshi-qon salasyndaǵy mindetter qazirgi ýaqytta 8 memlekettik organ arasynda úlestirilgen.
«Biri oralmandar máselesi boıynsha bolsa, ekinshisi zańsyz mıgranttarmen kúres boıynsha qyzmet atqarady. ІІM-ne qarasty qurylatyn jańa Kóshi-qon komıteti bul mindetterdiń barlyǵyn biriktiretin bolady», dedi A. Kýlınıch.
Onyń aıtýynsha, bul óz kezeginde eldegi kóshi-qon úderisteriniń memlekettik retteý tıimdiligin arttyryp, kóshi-qon aǵymyn baqylaýdy kúsheıtedi.
«Búgingi tańda Qazaqstanda 1 mln. astam zańdy mıgrant tirkelgen. Kelip-ketip jatqandardyń legi óte aýqymdy. Sondyqtan olarmen tıimdi jumys atqarý úshin Kóshi-qon komıteti qurylýda», deıdi ol.
Eske sala keteıik, Іshki ister mınıstrliginde Kóshi-qon komıtetin qurý jónindegi tapsyrmany Memleket basshysy Nursultan Nazarbaev bergen bolatyn.
