Kóshi-qon komıteti Qazaqstan azamattyǵynan bas tartqan hokkeıshilerge pikir bildirdi
«Konstıtýtsııanyń 10-babyna sáıkes, elimizde qos el azamattyǵyn qatar alyp júrýge tyıym salynady. Bizdiń elimizde jeńildetilgen tártippen azamattyq alý múmkindigi qarastyrylǵan mamandyqtar tizimi bar. Ol mamandyqtardyń ishinde sporshylar da bar. Biraq olar Qazaqstanda 5 jyldan artyq turmaýy tıis. Biz keıbir jetistikterdiń sheteldik kásibı mamandardyń arqasynda keletinin túsinemiz. Bundaı tájirıbe álem elderinde bar»,- dedi kóshi-qon komıteti tóraǵasynyń mindetin atqarýshy Іlııas Ispanov OKQ-de ótken brıfıngide.
Onyń málimdeýinshe, Qazaqstan azamattyǵyn alǵan sheteldik zań talaptaryna sáıkes óz eliniń azamattyǵynan bas tartýy tıis.
«Shetel turǵyny bizdiń azamattyqty alǵan soń, kelgen eline azamattyǵynan aıyrý jóninde ótinish berýi kerek. Ol belgili bir ýaqyt alady. Jalpy azamattyq berý máselesine qatysty baqylaý Іshki ister mınıstrliginiń quzyretinde. Qazaqstan azamattyǵynan bas tartqan úsh hokkeıshige qatysty mán-jaıdy mınıstrlikten hat arqyly jaýap berýin suraımyz», - deıdi ol.
Aıta ketsek, osydan birer kún keıbir BAQ betterinde úsh legıoner hokkeıshiniń Qazaqstan azamattyǵynan bas tartqany habarlandy.
Sondaı-aq, sportshylardyń bıyl ótetin hokkeıden álem chempıonatyna Qazaqstan atynan qatysa almaıtyny belgili boldy.