Kóshi-qon: Astanaǵa jarty jylda 14 myńnan astam adam keldi
ASTANA. 21 tamyz. QazAqparat - 2013 jyldyń alty aıynda elordaǵa 14 671 adam kelip, 9 003 adam ketti. Bul týraly astana.kz saıtyna Statıstıka departamentinen habarlady.
Іshki kóshi-qon + 4 957, al syrtqy +711 adamdy qurady. «Ulty boıynsha kóshi-qondar qurylymyndaǵy aıtarlyqtaı úles salmaqty qazaqtar - kelgenderdiń jalpy sanynyń 87,7% jáne ketkenderdiń 86,2% quraıdy. Kelgender men ketkender arasynda orystardyń úlesi 6,4% jáne 8,5%, ýkraındar - 0,9% jáne 1,1%, kárister 0,9% jáne 0,5%, tatarlar - 0,7% jáne 0,9%, nemister - 0,4% jáne 0,9% tıisinshe, al ózge ulttar sáıkesinshe - 3,0% jáne 1,9% quraıdy», - delingen aqparatta.
Mıgranttardyń basym bóligi TMD elderinen keledi: Ózbekstan (+275 adam), Qyrǵyzstan Respýblıkasy (+124 adam), Reseı Federatsııasy (+52 adam), Armenııa (+12 adam), Ázerbaıjan (+11 adam), Tájikstan (+9 adam), Ýkraına (+5 adam) jáne Túrikmenstan (+1 adam).
Budan basqa, Astanaǵa Qytaı (+198 adam), Mońǵolııa (+29 adam), Túrkııa (+12 adam), AQSh (+3 adam) jáne Grýzııa (+3 adam) elderinen keledi.
Eske salaıyq, 2013 jyldyń qańtar-maýsymynda 2012 jyldyń sáıkes merzimimen salystyrǵanda Astana qalasyna kelgender sany 42,3%, ketkender sany 41,5% tómendedi. Qalanyń negizgi kóshi-qon almasýy óńiraralyq kóshi-qon esebinen qalyptasqan. 2013 jyldyń qańtar-maýsymynda kelgender 9 350 adamdy, ketkender 4 393 adamdy quraıdy.
