Kósherbaev UQK qyzmetkerlerine mereıtoılyq medaldardy tabystady

QYZYLORDA. QazAqparat-Qyzylorda oblysynyń ákimi Qyrymbek Kósherbaev Ulttyq qaýipsizdik komıteti qyzmetkerlerin komıtettiń qurylǵanyna  25 jyl tolýymen quttyqtap, olardyń aldaǵy jumystaryna sáttilik tiledi, dep habarlady QazAqparat.

«El Táýelsizdiginiń alǵashqy jyldarynda qurylǵan arnaýly organ shırek ǵasyr ishinde turaqty jetile otyryp, damý men qalyptasýdyń syndarly joldarynan ótti. Komıtet qurylymyndaǵy barlyq ózgerister álemdegi jáne eldegi ahýalmen tyǵyz baılanysyp qana qoımaı, egemen elimizdiń múddesin qorǵaý boldy. Qazaqstan Respýblıkasy Táýelsizdiginiń tuǵyry berik bolýy jolynda bastaryńyzdy báıgege tigip atqaryp júrgen adal qyzmetterińizdiń alar orny erekshe. Bul jolda batyrlyq ta, batyldyq ta, tapqyrlyq ta, aılaly aqyl da sizderdiń boılaryńyzdan tabyla bilýi qajet»,- dedi oblys ákimi.

Saltanatty shara barysynda, sondaı-aq QR UQK Qyzylorda oblysy jáne Baıqońyr qalasy boıynsha departament bastyǵy, polkovnık Tańat Júnisov áriptesterin kásibı merekelerimen quttyqtady.

Aımaq basshysy Ulttyq qaýipsizdik komıteti oblystyq departamentiniń ardagerleri men qyzmetkerlerin alǵys hattarmen jáne vedomstvonyń mereıtoılyq medaldarymen marapattady.