Kósherbaev shahmattan oqýshylar arasyndaǵy álem chempıonatynyń jeńimpazdarymen kezdesti
QYZYLORDA. QazAqparat-Búgin Qyzylorda oblysynyń ákimi Qyrymbek Kósherbaev shahmattan oqýshylar arasyndaǵy Álem chempıonatynyń jeńimpazy Ásel Serikbaımen jáne kúmis júldegeri Nazerke Nurǵalımen kezdesti,-dep habarlady QazAqparat tilshisi.
Esterińizge sala keteıik, jaqynda ǵana Rýmynııanyń ıAssy qalasynda shahmattan oqýshylar arasynda ótken Álem chempıonatyna álemniń 45 elinen 570 sportshy qatysty, Qazaqstan qurama komandasynan 33 sportshy baq synady. 9 týrdan 8,5 upaı jınaǵan Ásel Serikbaı Álem chempıony atanyp, Táýelsiz elimizdiń Kók Týyn jelbiretip, Ánuranymyzdy asqaqtatty. Al, Nazerke Nurǵalı 7,5 upaı jınap, kúmis júldeni ıelendi.
«Shahmat oıyny joǵary ıntellektýaldyq sport túri. Shahmat - adamnyń aqyl-oıynyń damýyna yqpal etetin bilim. Shahmat oıyny balalarǵa tek qýanysh syılaıtyn oıyn ǵana emes, oılaýdy damytýdyń tıimdi quraly. Ásel, Nazerke, mine osyndaı ıntellektýaldy dodadaǵy sizderdiń jeńisterińiz myńdaǵan jastyń shahmatqa degen qulshynysyn arttyra túskenine senimdimin. Eger árbir jas osylaı óz maqsatyna umtylatyn bolsa, onda Qazaqstan mindetti túrde aldyńǵy qatarly elge aınalady»,-degen oblys ákimi sportshylarǵa sáttilik tilep, aldaǵy ýaqyttarda Ýrýgvaıda jasóspirimder arasynda, Italııada jastar arasynda ótetin Álem chempıonattarynda jáne Ásel Úndistanda bolatyn jasóspirimder Olımpıadasynda el namysyn qoldan bermeı, abyroıymyzdy taǵy da asqaqtatady dep senemiz,-dedi.
Ásel Serikbaı, Nazerke Nurǵalı jáne olardyń bapkeri Vasılıı Shımelkov aımaq basshysyna jáne barlyq jankúıerlerine alǵystaryn bildirdi.
Oblys ákimi Ásel Serikbaıǵa 500 myń teńgeniń, Nazerke Nurǵalıǵa 300 myń teńgeniń, al jattyqtyrýshysyna 200 myń teńgeniń sertıfıkattaryn tabys etti.
