Kósherbaev pen EYU Bas hatshysy saýda jáne kólik logıstıkasyn damytýǵa qatysty kezdesti
ASTANA. KAZINFORM – Qazaqstan Respýblıkasy Syrtqy ister mınıstri Ermek Kósherbaev Ekonomıkalyq yntymaqtastyq uıymynyń Bas hatshysy Asad Madjıd Handy qabyldady.
Kezdesý barysynda taraptar QR-dyń EYU-men ózara is-qımylynyń aǵymdaǵy jaı-kúıi men perspektıvalaryn talqylap, saýda-ekonomıkalyq jáne kólik-logıstıkalyq yntymaqtastyqty damytýǵa, sondaı-aq óńirlik ahýalǵa erekshe nazar aýdardy.
QR Syrtqy ister mınıstri Qazaqstannyń EYU-men seriktestikti odan ári tereńdetýge beıildiligin rastady jáne Uıymǵa múshe memleketterdiń turaqty damýyna baǵyttalǵan birlesken bastamalardy tıimdi iske asyrýdyń mańyzdylyǵyn atap ótti.
EYU Bas hatshysy Qazaqstannyń Uıym qyzmetine qosqan úlesin joǵary baǵalap, kólik dálizderin damytý, ónerkásiptik kooperatsııa jáne «jasyl» ekonomıka sııaqty basym baǵyttar boıynsha yntymaqtastyqty keńeıtýge múddelilik bildirdi.
Kezdesý kún tártibinde sondaı-aq EYU Hatshylyǵynyń qyzmetine qatysty máseleler qarastyryldy.
Eske salsaq, budan buryn SІM basshysy Islam yntymaqtastyǵy uıymymen ózara is-qımyldy jalǵastyrýǵa keliskenin habarlaǵan edik.
