Kósherbaev Ortalyq Azııa elderi men Ázerbaıjannyń syrtqy ister mınıstrlerimen telefon arqyly sóılesti
ASTANA. KAZINFORM – Qazaqstan Syrtqy ister mınıstri Ortalyq Azııa elderi men Ázerbaıjannyń syrtqy ister mınıstrlerimen telefon arqyly sóılesti. Bul týraly SІM baspasóz qyzmeti habarlady.
Qazaqstan Respýblıkasynyń Syrtqy ister mınıstri Ermek Kósherbaev Ázerbaıjan Respýblıkasynyń Syrtqy ister mınıstri Djeıhýn Baıramovpen, Qyrǵyz Respýblıkasynyń Syrtqy ister mınıstri Jeenbek Kýlýbaevpen, Tájikstan Respýblıkasynyń Syrtqy ister mınıstri Sırodjıddın Mýhrıddınmen, Túrikmenstannyń Syrtqy ister mınıstri Rashıd Meredovpen jáne Ózbekstan Respýblıkasynyń Syrtqy ister mınıstri Bahtıer Saıdovpen telefon arqyly sóılesti.
Suhbat barysynda mınıstrler Taıaý Shyǵystaǵy áskerı-saıası ahýal tóńireginde pikir almasyp, daǵdarys jaǵdaıynda tyǵyz úılestirý men jedel ózara is-qımyldy qamtamasyz etýdiń mańyzdylyǵyn atap ótti.
Qazaqstan SІM basshysy evakýatsııalyq is-sharalar máseleleri boıynsha syndarly ózara is-qımyl úshin Ázerbaıjan men Túrikmenstandaǵy áriptesterine rızashylyǵyn bildirdi.
Suhbattastar máseleleni tek saıası-dıplomatııalyq quraldar arqyly retteýge ortaq beıildiligin rastady, sondaı-aq halyqaralyq quqyq normalaryn saqtaý jáne óńirlik qaýipsizdik, beıbitshilik pen turaqtylyqty qamtamasyz etý múddesinde kúsh-jigerdi biriktirýdiń mańyzdylyǵyn atap ótti.
Qorytyndylaı kele, taraptar azamattardy evakýatsııalaý múmkindigin uıymdastyrý máselelerinde qajetti qoldaý kórsetýge, sondaı-aq syrtqy ister vedomstvolary jelisi boıynsha tyǵyz jumys baılanystaryn jalǵastyrýǵa daıyn ekenderin bildirdi.
Aıta ketelik SІM qazaqstandyqtardy eskalatsııa aımaqtarynan shyǵarý baǵyttaryn pysyqtap jatqany týraly jazǵan edik.