Kósherbaev: Bılik tranzıti zamannyń jańa syn-tegeýrinderine laıyqty jaýap berýge jol ashty

NUR-SULTAN. QazAqparat – Qazaqstan halqy Assambleıasy keńesiniń keńeıtilgen otyrysynda Memlekettik hatshy Qyrymbek Kósherbaev Qasym-Jomart Toqaevtyń Prezıdent bolyp saılanǵanyna eki jyl tolǵanyn atap ótti, dep habarlaıdy QazAqparat tilshisi.

«Ózderińizge belgili, 2019 jyldyń 9 maýsymynda memleketimizdiń jańa basshysy Qasym-Jomart Kemeluly Toqaevtyń búkilhalyqtyq saılaýdyń qorytyndysymen Prezıdent bolyp saılanǵanyna eki jyl toldy. Bul tarıhı sát taǵylymy mol sabaqtastyqtyń, saıası baǵdardy saqtaı otyra, úndestiktiń, ádilettiliktiń jáne damýdyń prıntsıpterine negizdelgen jańa basqarý ádisin qalyptastyrýda, jańa zamannyń jańa shaqyrýlaryna laıyqty jaýap berýge múmkindik berýde.

Elbasynyń sessııada sóılegen sózin tatýlyq pen kelisim saıasatynyń máni men mazmunyn túsindirýde, sondaı-aq jahandaný jaǵdaıyndaǵy ıntegratsııalyq qatynastarda qazaq halqyn ózek retinde qalyptastyrýda paıdalanýǵa ábden bolady», - dedi Memlekettik hatshy.