Kósheniń qaq ortasynda tramvaıǵa oq jaýdyryldy
ASTANA. QazAqparat - 25 qazanda RF Samara qalasynyń ortalyǵynda keshki mezgilde belgisiz bireýler tramvaıǵa oq jaýdyrdy, eshkim zardap shekken joq, dep habarlaıdy ІІM oblystyq basqarmasynyń baspasóz qyzmeti.
Tramvaı qalanyń Samara aýdany baǵytyndaǵy jolmen ketip bara jatqan kezde tars etken dybys estilip, tereze synǵan. Artynsha kilt toqtaǵan tramvaı vagonynyń bir terezesi byt-shyt bolyp, ekinshisinde tesikter qalǵan. Oqys oqıǵa kezinde ishinde bes jolaýshy zardap shekken joq. Shuǵyl jetken polıtsııa qyzmetkerleri júrginshiler men júrgizýshiden keleńsiz jaǵdaı jóninde surastyrdy. Sondaı-aq olar jaqyn mańdaǵy úılerdi de tekserdi.
Polıtsııanyń boljamy boıynsha, kólikti pnevmatıkalyq qarýmen atqan.
Qazirgi ýaqytta kúdikti izdestirilip jatyr.
