Kósheni lastaǵan oraldyq turǵyn bir táýlikke qamaýǵa alyndy
ORAL. 3 mamyr. QazAqparat - Sońǵy kezderi Oral qalasynyń mamandandyrylǵan ákimshilik sotyna tazalyqqa qatysty 40 ákimshilik materıal tústi.
Oblystyq sottyń baspasóz qyzmetinen Gúlmıra Kenjeǵalıevanyń habarlaǵanyndaı, onyń barlyǵy qoǵamdyq oryndar men qorshaǵan ortany lastaýǵa baılanysty. Elbasymyzdyń sóılegen sózinen keıin elimizdiń polıtseıleri qoǵamdyq jáne ózge de jerlerde lastaýǵa jol bergen jandarǵa shara qoldana bastady.
Oraldaǵy mamandandyrylǵan ákimshilik soty jaıaý júrginshiler jolyna úsh plastıkalyq ydys pen polıetılen paketin laqtyrǵan qala turǵynynyń isin qarady. Quqyq buzǵan áıel adam sol kezde mas kúıde bolǵan. Budan bólek, ol buryn da usaq buzaqylyqpen ustalyp, oǵan ákimshilik aıyppul salynǵan. Alaıda, ol aıyppulyn tólemegen. Sot osy jaǵdaılardy eskere otyryp, áıeldi 1 táýlikke qamaý jóninde qaýly aldy.
Qalǵan isterge baılanysty aıyppuldar salyndy.
