Kósheni qolmen jýý oqıǵasyna qala ákimi túsinik berdi
ASTANA. QazAqparat - Jumysshylar asfaltty qolymen jýyp jatqan sýret búgin elimizdiń áleýmettik jelisinde qyzý talqylanyp jatyr. Sýretti júktegen azamattardyń málimetinshe, bul - Qostanaı qalasynda bolǵan oqıǵa eken.
«QazAqparat» tilshisi Qostanaı qalasynyń ákimdigine habarlasyp, shý shyǵarǵan sýretke qatysty túsinikteme aldy.
«Jumysshylar joldy qolymen jýdy» dep jazylypty. Alaıda, túsindire ketetin jaıt, sýrettegi kórinis joldyń buzylǵan jerlerin qalpyna keltirý úshin qoldanylatyn tehnıkalyq jumys. Joldyń buzylǵan ýchaskesine boıaýdy durystap jaǵyp, shań kirgizbeı, boıaýdy taza jerge jaǵý úshin osyndaı ádis kerek. onyń ústine, qazir kúz mezgili, aınala tolǵan shań», - deıdi Qostanaı ákiminiń baspasóz hatshysy Samat Jandildın.
Onyń aıtýynsha, joldyń buzylǵan jerine jaǵylatyn boıaý uzaq ýaqytqa shydaý úshin jumysshylar arnaıy eritindimen joldyń sol jerin tazalap jatqan eken.
«ıAǵnı, joldy qalaı bolsa, solaı jóndeý salmaý úshin, arnaıy eritindimen tazalaǵan. Osy sátti sýretke túsirip alǵan shyǵar... Bizdiń aıtarymyz osy. Qostanaı qalasynyń kóshelerin qolmen emes, arnaıy kóliktiń kómegimen jýamyz», - dedi baspasóz hatshy.
